SERIKALI YAAHIDI KUSHIRIKIANA NA TNCC KUTENGENEZA MAZINGIRA RAFIKI KWA WAEKEZEZAJI NA SEKTA BINAFSI.

-


Serikali kupitia Wizara ya Viwanda na Biashara yaahidi kushirikiana na Chemba ya Taifa ya Biashara Tanzania (TNCC) kutoa mazingira rafiki kwa wawekezaji na sekta binafsi, hatua inayolenga kufanikisha dira ya taifa ya mwaka 2050 ya kuwa na uchumi imara, shindani na jumuishi.


Hayo yameelezwa na Waziri wa Viwanda na Biashara, Mhe. Judith Kapinga (Mb),wakati wa ziara yake katika Ofisi za TNCC Desemba 22, 2025, jijini Dar es Salaam, huku akisisitiza kuwa Serikali inalenga kuachana na uchumi unaotegemea rasilimali asilia na kuelekea kwenye uchumi unaojengwa juu ya uzalishaji, kuongeza thamani ya bidhaa za ndani, na kushindana kimataifa.


Aidha, Mhe. Kapinga aliongeza kuwa ushirikiano wa karibu kati ya Serikali na sekta binafsi, kupitia TNCC, ni muhimu katika kuimarisha uzalishaji wa ndani, kuvutia uwekezaji, na kuhakikisha sekta binafsi inapata mazingira yanayochochea ushindani na ukuaji endelevu.


Kwa upande wake, Rais wa TNCC, Bw. Vicent Minja, alisema chemba hiyo imeendelea kuwa nguzo muhimu kwa wafanyabiashara nchini, ikihamasisha ushirikiano na Serikali katika kutatua changamoto za biashara, kuchochea ukuaji wa viwanda, na kushiriki katika ajenda ya kitaifa ya ajira endelevu.


Aidha, baadhi ya wawakilishi wa TNCC kutoka mikoa mbalimbali wameishukuru Serikali kwa kuendeleza mazingira wezeshi ya biashara na kuhimiza wafanyabiashara kujiunga na Chemba ili kushirikiana katika kufanikisha dira ya taifa ya mwaka 2050.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more