SIKU 16 ZA KUPINGA UKATILI: POLISI WANAMAJI WATEMBELEA WAGONJWA NA KUTOA MSAADA.

-


Jeshi la Polisi Kikosi cha Wanamaji jijini Dar es Salaam limefanya zoezi la kutoa mahitaji mbalimbali kwa wagonjwa waliolazwa katika Hospitali ya Kilwa Road, ikiwa ni sehemu ya maadhimisho ya Siku 16 za Kupinga Ukatili wa Kijinsia na Watoto.


Zoezi hilo lililofanyika jijini Dar es salaam limelenga kuongeza faraja kwa wagonjwa hasa wale wanaokabiliwa na changamoto za kifedha, na kuonyesha dhamira ya Jeshi la Polisi katika kuchangia ustawi wa jamii ambapo mahitaji yaliyotolewa yanatarajiwa kusaidia wagonjwa kupata huduma wanazokosa kwa wakati kutokana na ukosefu wa uwezo wa kifedha.


Kamanda wa Polisi Kikosi cha Afya, Naibu Kamishna wa Polisi (DCP) Lucas Mkondya, alikipongeza Kikosi cha Wanamaji kwa kujitoa kwao, akieleza kuwa hatua hiyo imeonyesha kuguswa kwao na changamoto wanazopitia wagonjwa wengi.


Aidha, Mkuu wa Kikosi cha Polisi Wanamaji jijini Dar es Salaam, Mrakibu Mwandamizi wa Polisi (SSP) Twahiri Lyimo, alishukuru uongozi wa Hospitali ya Kilwa Road kwa ushirikiano wao katika kufanikisha tukio hilo, akiamini kuwa msaada uliotolewa utawasaidia wagonjwa kwa kiwango kikubwa.


Wagonjwa waliopokea mahitaji hayo wamepongeza hatua hiyo ya Jeshi la Polisi, wakisema imetoa matumaini na faraja katika kipindi kigumu cha matibabu.


Zoezi hilo limeendelea kuonyesha mshikamano kati ya vyombo vya ulinzi na jamii, sambamba na kuunga mkono kampeni ya kupinga ukatili wa kijinsia na watoto nchini.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more