𝐖𝐀𝐓𝐀𝐋𝐈𝐈 𝐖𝐀𝐎𝐍𝐆𝐄𝐙𝐄𝐊𝐀 𝐊𝐖𝐀 𝐀𝐒𝐈𝐋𝐈𝐌𝐈𝐀 𝟐𝟎 𝐊𝐀𝐓𝐈𝐊𝐀 𝐌𝐈𝐒𝐈𝐓𝐔 𝐘𝐀 𝐓𝐅𝐒.

-


Na Mwandishi Wetu, Dodoma


Idadi ya watalii wanaotembelea vivutio vya utalii ikolojia vinavyosimamiwa na Wakala wa Huduma za Misitu Tanzania (TFS) imeongezeka kwa asilimia 20 katika kipindi cha mwaka mmoja, hatua inayoonyesha kuimarika kwa sekta ya utalii wa mazingira nchini.


Akiwasilisha Hotuba ya Bajeti ya Wizara ya Maliasili na Utalii kwa mwaka 2026/2027 bungeni Dodoma Mei 15, 2026, Waziri wa Maliasili na Utalii, Dkt. Ashatu Kijaji alisema watalii 329,753 walitembelea vituo vya utalii ikolojia hadi Aprili 2026 ikilinganishwa na watalii 275,723 waliorekodiwa katika kipindi kama hicho mwaka uliopita.


Alisema ongezeko hilo limechangia mapato ya utalii kufikia Sh bilioni 3.09 kutoka Sh bilioni 2.16 mwaka uliopita, sawa na ongezeko la asilimia 43.


Kwa mujibu wa Waziri huyo, TFS imeendelea kuboresha miundombinu ya utalii kwa kujenga malango sita ya utalii katika maeneo mbalimbali yakiwemo Meru, Vikindu, Mlima Rungwe na Ziwa Duluti.


Aidha, kilomita 287.14 za njia za watembea kwa miguu na barabara za ndani ya misitu zimekarabatiwa pamoja na kambi nane za watalii ili kuongeza ubora wa huduma kwa wageni wanaotembelea maeneo hayo.


Katika juhudi za kuhamasisha utalii wa mazingira, TFS pia imeendesha matamasha mbalimbali ya utalii na michezo ya mazingira yakiwemo “Tukutane Mt. Rungwe Season II”, “Lake Ngosi”, “Meru Adventure Race” na “Kalambo Waterfalls Utalii Festival”, yaliyovutia maelfu ya washiriki na watalii.


Kwa mwaka 2026/2027, TFS imepanga kuendelea kuimarisha miundombinu ya utalii ikolojia kuelekea matukio makubwa ya kimataifa yakiwemo AFCON na Miss World.


𝐓𝐀𝐊𝐖𝐈𝐌𝐔 𝐙𝐀 𝐔𝐓𝐀𝐋𝐈𝐈

• Watalii 2025/26: 329,753

• Watalii 2024/25: 275,723

• Ongezeko la watalii: 20%

• Mapato 2025/26: Sh bilioni 3.09

• Ongezeko la mapato: 43%




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more