DKT. MWIGULU AKUTANA NA KUFANYA MAZUNGUMZO NA RAIS WA IFAD

-


Waziri Mkuu wa Tanzania *Mhe. Dkt. Mwigulu Lameck Nchemba*, amekutana na Rais wa Shirika la Kimataifa la Maendeleo ya Kilimo (IFAD), *Ndg. Alvaro Lario* na kufanya mazungumzo juu ya   ushirikiano katika sekta ya kilimo na uwezeshaji wa wananchi kiuchumi.


Katika kikao hicho kilichofanyika jijini Nairobi leo *Jumatatu Mei 11, 2026*,  *Dkt. Mwigulu* amesema kuwa Tanzania itaendelea kushirikiana na *IFAD* katika maeneo mbalimbali ikiwemo kilimo himilivu cha tabianchi, maendeleo ya kilimo biashara, mapinduzi ya kidijitali katika sekta ya kilimo, kuongeza uzalishaji wa alizeti ili kusaidia upatikanaji wa mafuta ya kula nchini pamoja na uwezeshaji wa vijana na wanawake kiuchumi.


Aidha *Mhe. Waziri Mkuu* amesema kuwa Tanzania imedhamiria kuendelea kutoa  ushirikiano katika kuendeleza mazao ya mchanganyiko ambayo katika miaka ya nyuma ilikuwa inachukuliwa kuwa ni mazao ya chakula pekee lakini kwasasa mazao haya yanatimika kama mazao ya biashara pia ambapo  Tanzania huyatumia kukuza ushirikiano wa biashara na mataifa mengine.


*Mhe. Dkt. Mwigulu* ameongeza kuwa Tanzania inatarajia kuendelea kushirikiana na *IFAD* katika sekta ya mifugo na mazao ya baharini kwa upande wa Zanzibar. 


Kwa upande wake Rais wa IFAD *Ndg. Alvaro Lario*, amesema kuwa wataendelea kuhakikisha mipango na utekelezaji wa *IFAD* vinaendana na malengo ya Dira ya Taifa ya Maendeleo ya Tanzania ya mwaka 2050


Hii ni hatua nyingine inayomtambulisha *Dkt. Mwigulu* kama kiongozi mwajibikaji asiyelala kwa ajili ya kumsaidia *Mhe. Rais* kutimiza ndoto yake ya kuwaletea watanzania maendeleo.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more