KICHWA CHA JAMES TEMBA CHAPATIKANA KITUNDA, MGANGA WA KIENYEJI AKAMATWA.

-




Kichwa cha aliyekuwa mwanafunzi wa Chuo cha Usimamizi wa Fedha (IFM), James Temba, kimepatikana katika eneo la Kitunda Kibeberu, Wilaya ya Ilala jijini Dar es Salaam, baada ya juhudi za uchunguzi wa Jeshi la Polisi kuendelea.


Akizungumza na waandishi wa habari Mei 13, 2026, Kamanda wa Polisi Kanda Maalumu ya Dar es Salaam, Jumanne Muliro amesema kichwa hicho kilikutwa kikiwa kimefukiwa ardhini.


Muliro amesema jumla ya watu watano wanashikiliwa kuhusiana na tukio hilo, akiwemo mganga wa kienyeji aliyefahamika kwa jina la Said Ally maarufu “Side”, mwenye umri wa miaka 31.


“Sehemu ya kichwa hiki kimekutwa kimefukiwa ardhini na waliotekeleza uhalifu ule. Jumla ya watuhumiwa watano wanashikiliwa,” amesema.


Ameongeza kuwa taratibu za kisheria zinaendelea kukamilishwa ili kuruhusu hatua nyingine za uchunguzi na sheria dhidi ya watuhumiwa hao.


Kwa upande wake, baba mzazi wa marehemu, Rogers Temba, amesema kwa njia ya simu kuwa alipata taarifa za awali kuhusu kupatikana kwa kichwa hicho katika eneo la Kitunda Kibeberu huku polisi wakiendelea na uchunguzi zaidi.


Mwili wa James Temba ulizikwa Mei 7, 2026 katika makaburi ya familia yaliyopo Kijiji cha Mande, Kata ya Old Moshi Magharibi, Wilaya ya Moshi Mkoa wa Kilimanjaro, ukiwa hauna kichwa.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more