SERIKALI KUJENGA KIWANDA CHA SARUJI HANANG

-


Serikali imesema inaendelea kutafuta mwekezaji wa uhakika kwa ajili ya ujenzi wa kiwanda cha kuzalisha saruji katika Wilaya ya Hanang, mkoani Manyara, kutokana na kuwepo kwa malighafi za kutosha zinazohitajika katika uzalishaji wa saruji.


Hayo yamesemwa na Naibu Waziri wa Viwanda na Biashara, Dennis Londo, Mei 11, 2026 Bungeni jijini Dodoma alipokuwa akijibu swali namba 305 la Mbunge wa Hanang, Asia Halamga, lililouliza kuhusu mpango wa Serikali wa kuanzisha kiwanda hicho.


Naibu Waziri Londo amesema Serikali inatambua uwepo wa malighafi muhimu kwa ajili ya uzalishaji wa saruji katika Wilaya ya Hanang na tayari imeanza kuweka mazingira wezeshi ya utekelezaji wa mradi huo.


Ameeleza kuwa Serikali imetenga ekari 360 kwa ajili ya mradi huo, ambapo ekari 300 ni kwa ajili ya malighafi na ekari 60 zitajengwa kiwanda, huku mchakato wa kutafuta mwekezaji ukiendelea ili kuhakikisha mradi unatekelezwa na kuchochea ukuaji wa uchumi pamoja na kuongeza ajira kwa wananchi wa eneo hilo.


Aidha, amesema mpango huo ni sehemu ya utekelezaji wa Ilani ya Chama Cha Mapinduzi na Dira ya Maendeleo ya Taifa 2050, inayolenga kuanzisha viwanda vya kimkakati kulingana na rasilimali zilizopo katika kila mkoa.


Ameongeza kuwa mbali na saruji, Hanang ina fursa nyingine za kiuchumi zikiwemo malighafi za uzalishaji wa chumvi pamoja na zao la ngano, ambazo Serikali inazifanyia maandalizi kwa ajili ya uwekezaji wa kuongeza thamani ili kuimarisha soko la ndani na nje ya nchi.


Katika hatua nyingine, Londo amesema mkakati wa maendeleo ya viwanda hautaishia Hanang pekee, bali utaenea katika Wilaya ya Babati na maeneo mengine nchini kupitia uanzishwaji wa kanda maalum za uwekezaji, kwa lengo la kuongeza thamani ya mazao, kukuza mauzo ya nje na kuinua uchumi wa wananchi kwa ujumla.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more