TLS YATAKA CHOMBO HURU KUCHUNGUZA VURUGU ZA UCHAGUZI MKUU 2025.

-


Chama cha Wanasheria Tanganyika (TLS) kimetoa wito wa kuundwa kwa chombo huru, shirikishi na cha kuaminika kwa ajili ya kuchunguza matukio ya vurugu yaliyotokea kabla, wakati na baada ya Uchaguzi Mkuu wa Oktoba 2025.


Akizungumza na waandishi wa habari jijini Dar es Salaam, Rais wa TLS, Wakili Boniface Mwabukusi amesema mapendekezo hayo yametolewa kufuatia tathmini ya chama hicho kuhusu ripoti ya tume ya Jaji Chande iliyohusu matukio ya Oktoba 29, 2025.


Amesema TLS inaamini kuwa taifa linahitaji kuponya majeraha ya kisiasa na kijamii kupitia misingi ya haki, ukweli, uwajibikaji na maridhiano ya kweli ili kurejesha imani ya wananchi kwa taasisi za dola na mfumo wa utoaji haki.


Katika mapendekezo yake, TLS imependekeza kuundwa kwa chombo huru na shirikishi kitakachofanya uchunguzi wa kina kuhusu madai ya vurugu, ukiukwaji wa haki za binadamu na vitendo vya ukatili vilivyoripotiwa kujitokeza katika kipindi cha uchaguzi mkuu.


Aidha, chama hicho kimeitaka serikali kukiri makosa yaliyojitokeza wakati wa matukio hayo na kuhakikisha wahusika wote wa ukiukwaji wa haki wanachukuliwa hatua kwa mujibu wa sheria.


TLS pia imesisitiza kuwa mchakato wa maridhiano ya kitaifa hauwezi kuwa na tija bila kuwepo kwa ukweli, uwazi na uwajibikaji kwa pande zote zinazohusika.


Sambamba na hilo, chama hicho kimependekeza waathirika wa vifo, majeruhi na madhara mengine yaliyotokana na matukio hayo kufidiwa ili kusaidia kurejesha haki na faraja kwa waathirika pamoja na familia zao.


Kwa upande mwingine, TLS imesema ipo tayari kushirikiana na serikali pamoja na wadau mbalimbali wa haki na utawala bora katika kutafuta suluhisho la kudumu kwa masuala hayo kwa maslahi ya taifa.


Akizungumzia mwenendo wa kesi ya Tundu Lissu, Wakili Mwabukusi ameieleza wasiwasi ya TLS kuhusu shauri hilo kuchukua muda mrefu bila kutolewa uamuzi, akisisitiza umuhimu wa haki kutendeka kwa wakati kwa mujibu wa sheria na Katiba.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more