TMA NA BRAC MAENDELEO TANZANIA WAJADILI MIKAKATI YA KUIMARISHA USAMBAZAJI NA MATUMIZI YA TAARIFA ZA HALI YA HEWA.

-


Dodoma


Mamlaka ya Hali ya Hewa Tanzania (TMA) pamoja na BRAC Maendeleo Tanzania wamejadili mikakati ya kuimarisha usambazaji na matumizi ya taarifa za hali ya hewa nchini, hatua inayolenga kuongeza uwezo wa jamii kukabiliana na athari za mabadiliko ya tabianchi.


Majadiliano hayo yalifanyika Mei 15, 2026 katika Makao Makuu ya TMA jijini Dodoma yakiongozwa na Mkurugenzi Mkuu wa TMA na Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang’a.


Akizungumza wakati wa kikao hicho, Dkt. Chang’a alisema TMA inaendelea kuthamini ushirikiano na wadau mbalimbali katika kuboresha huduma za hali ya hewa na kuhakikisha taarifa zinawafikia wananchi kwa wakati na kwa ufanisi zaidi.


Alisema kikao hicho kimefungua fursa kwa taasisi hizo mbili kujadiliana maeneo ya ushirikiano katika utoaji wa huduma za hali ya hewa, tahadhari za mapema pamoja na hatua za kukabiliana na mabadiliko ya tabianchi.


Aidha, alisema TMA ipo katika mageuzi ya kidigitali yanayolenga kuboresha utoaji wa huduma kwa kutumia mifumo ya kisasa ili kuongeza ufanisi wa utoaji wa taarifa kwa jamii.


Dkt. Chang’a pia alieleza dhamira ya TMA kuendelea kuimarisha ushawishi wa Tanzania katika masuala ya hali ya hewa barani Afrika na katika nchi zinazoendelea, huku akiishukuru BRAC Maendeleo Tanzania kwa mchango wake katika kuelimisha jamii kuhusu matumizi ya taarifa za hali ya hewa.


Vilevile, alihamasisha ushiriki wa wadau mbalimbali katika Mkutano wa Nne wa Shirika la Hali ya Hewa Duniani (WMO) kuhusu miongozo ya Utabiri wa Hali ya Hewa (Operational Climate Prediction-OCP4), unaotarajiwa kufanyika jijini Arusha kuanzia Juni 29 hadi Julai 3, 2026.


Kwa upande wake, Meneja Mwandamizi wa Programu ya Hali ya Hewa ya Kimataifa wa BRAC Maendeleo Tanzania, Degefu Getachew Kelbiso, alieleza kuhusu utekelezaji wa mpango wa “BigBet” unaolenga kukabiliana na changamoto za mabadiliko ya tabianchi kupitia huduma za taarifa za hali ya hewa, kilimo kinachozingatia mabadiliko ya tabianchi pamoja na uimarishaji wa maisha ya jamii.


Alisema mpango huo unatekelezwa katika nchi mbalimbali ikiwemo Tanzania, huku akisisitiza umuhimu wa kuimarisha ushirikiano na TMA katika kuhakikisha wananchi wanapata taarifa sahihi na kwa wakati ili kusaidia shughuli za kijamii na kiuchumi.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more