Wafanyakazi waliopoteza ajira kulipwa mafao ndani ya siku 90.

-


Na OWM (KAM) - Dodoma



Serikali imetangaza maboresho ya kanuni za ulipaji wa mafao katika Mifuko ya Hifadhi ya Jamii, ikiwemo fao la kukosa ajira, ili kuhakikisha wanachama wanapata haki zao kwa wakati na kuimarisha ustawi wao kiuchumi.


Hayo yameelezwa leo Mei 8, 2026 Bungeni jijini Dodoma na Naibu Waziri wa Ofisi ya Waziri Mkuu - Kazi, Ajira na Mahusiano, Dkt. Evaline Wilbard Munisi, alipokuwa akijibu swali la Mbunge wa Jimbo la Tunduru Kaskazini, Ado Shaibu Ado.


Dkt. Munisi amesema Serikali imeboresha fao la kukosa ajira ambapo mfanyakazi aliyepoteza ajira ataweza kuchagua kulipwa mkupuo au kuendelea kupokea asilimia 33.3 ya mshahara wake kwa kipindi cha miezi sita, hatua inayolenga kumsaidia kuendelea kuwa na sifa za kupata pensheni baadaye.


Aidha, amesema Serikali imeweka utaratibu mpya wa mwaka 2025 unaomruhusu mfanyakazi aliyepoteza ajira kulipwa mafao yake kwa mkupuo ndani ya siku 90 tangu kupoteza ajira.


Amefafanua kuwa kwa sasa hakuna fao la kujitoa katika mifuko ya hifadhi ya jamii, bali kinachotambuliwa ni fao la kukosa ajira lililoboreshwa ili kuendana na hali ya soko la ajira na mahitaji ya wafanyakazi.


Serikali imesema maboresho hayo ni sehemu ya juhudi za kuimarisha mifumo ya hifadhi ya jamii na kuhakikisha wafanyakazi wanakuwa na usalama wa kipato wanapokumbwa na changamoto ya kupoteza ajira.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more