WANAUME WATAKIWA KUWA MSTARI WA MBELE KATIKA KUPINGA UKATILI WA KIJINSIA.

-


Na Fidea Masunga, Dar es Salaam


Wanaume nchini wametakiwa kushiriki kikamilifu katika mapambano dhidi ya ukatili wa kijinsia unaowakumba wanawake na watoto, kuanzia ngazi ya familia hadi taifa, kwa kubadili mitazamo na mifumo dume inayochochea ukatili katika jamii.


Wito huo umetolewa jijini Dar es Salaam katika mdahalo wa kitaifa wa #SautiZetu ulioandaliwa na Chama cha Waandishi wa Habari Wanawake Tanzania (TAMWA) kwa kushirikiana na Shirika la Maendeleo la Ujerumani (GIZ), ukiwa na lengo la kuhamasisha ushiriki wa wanaume katika kutokomeza ukatili wa kijinsia.


Akizungumza wakati wa ufunguzi wa mdahalo huo, Afisa Tarafa wa Wilaya ya Ubungo, Beatrice Mbawala, alisema mapambano dhidi ya ukatili hayawezi kuachiwa wanawake pekee, bali yanahitaji wanaume kusimama kama walinzi wa haki, usawa na utu katika jamii.


Kwa upande wake, Mkurugenzi wa TAMWA, Dk. Rose Reuben, alisema ukatili wa kijinsia si suala la wanawake pekee bali ni la haki za binadamu linalohitaji ushirikiano wa jamii nzima. Alisisitiza kuwa wanaume wanapaswa kubadili mitazamo na kushiriki kikamilifu katika kuzuia vitendo hivyo.


Naye Agnes Mwafifi alisema mwanaume anatakiwa kuwa mlinzi kuanzia ngazi ya familia kwa kuhakikisha anasimamia maadili, usalama na ustawi wa wanajamii wake. Aliongeza kuwa nafasi ya mwanaume ndani ya familia ni msingi muhimu katika kuzuia ukatili wa kijinsia.


Hata hivyo, baadhi ya washiriki wa mdahalo huo walihitimisha kwa kusisitiza umuhimu wa kuendelea kutoa elimu kwa jamii kuhusu haki za wanawake na watoto, pamoja na kuimarisha malezi yenye maadili, usawa na uwajibikaji wa pamoja ili kujenga jamii salama na yenye kuheshimu utu wa kila mmoja.





Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more