Amana Hospitali Yaadhimisha Siku ya Kinywa na Meno kwa Kutoa Huduma Bure.

-


Hospitali ya Amana leo imeungana na dunia nzima kuadhimisha Siku ya Kinywa na Meno Duniani yenye kaulimbiu “Kinywa Chenye Furaha, Fikra Tulivu” kwa kutoa huduma za bure za uchunguzi na matibabu ya meno kwa wananchi.


Akizungumza wakati wa hafla hiyo, Kaimu Mganga Mfawidhi wa Hospitali ya Amana, Dkt. Elisia Mpango amesema kuwa lengo la maadhimisho hayo ni kuhamasisha wananchi kutunza afya ya kinywa na kuelewa umuhimu wake katika maisha ya kila siku.


“Afya ya kinywa ni msingi wa afya bora kwa ujumla. Watu wengi hupuuza matatizo ya meno bila kujua kuwa yanaweza kusababisha maumivu makali, matatizo ya lishe, na hata kuathiri afya ya akili. Kupitia huduma hizi za bure, tunataka kuwaelimisha wananchi na kuwapa fursa ya kupata matibabu mapema,” amesema Dkt. Mpango


Kwa upande wake Daktari bingwa wa kinywa na meno wa Amana Hospitali Dkt. Amimu Kilomoni amesema matatizo ya kinywa kama vile kuoza kwa meno na magonjwa ya fizi yanaweza kuzuilika kwa kufuata kanuni bora za usafi wa kinywa, ikiwemo kupiga mswaki mara mbili kwa siku kwa kutumia dawa yenye floridi, kuepuka vyakula vyenye sukari nyingi, na kutembelea daktari wa meno mara kwa mara.


Nao Wananchi waliopata huduma katika hospitali hiyo wameeleza kufurahishwa na juhudi za Amana Hospitali katika kuimarisha afya ya jamii.


“Sikuwahi kufikiria kama tatizo langu la meno lingeweza kutatuliwa bure. Leo nimepata uchunguzi na ushauri wa daktari wa meno, na pia nimejifunza jinsi ya kutunza meno yangu vyema,” alisema Bi. Amina Juma, mmoja wa wakazi wa Ilala aliyefika kupata huduma.


Katika maadhimisho hayo, mamia ya wananchi wamejitokeza kupata huduma mbalimbali za afya ya kinywa, ikiwemo uchunguzi wa matatizo ya fizi na meno na ushauri wa kiafya kutoka kwa madaktari bingwa wa meno wa hospitali hiyo.


Hata hivyo Amana hospitali imeahidi kuendeleza kampeni za elimu na huduma za afya ya kinywa ili kuhakikisha wananchi wanapata matibabu stahiki na kuimarisha afya zao kwa ujumla.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more