KAMPUNI YA MZURI AFRIKA NA GRAMI AFRIKA YAJA NA TEKNOLOJIA YA KISASA YA KUMUINUA MKULIMA KIUCHUMI.

-



Katika kuunga mkono Juhudi za Serikali katika kuleta mapinduzi kwenye sekta ya kilimo hapa nchini Kampuni ya Mzuri World imezindua mashine za kisasa za kulimia, kupanda, na kunyunyiza dawa shambani. 


Akizungumza na waandishi wa habari, leo Jijini Dar es Salaam Mkurugenzi Mtendaji wa Mzuri Afrika, Shaban Mgonja, amesema lengo kuu la hatua hiyo ni kuboresha kilimo cha Tanzania kwa kutumia teknolojia za kisasa ambazo zitapunguza gharama za uzalishaji na kuongeza tija kwa wakulima.



“Kwa kuwa mimi ni Mtanzania, na kwa kutambua kuwa kilimo ni uti wa mgongo wa taifa letu, nimeona ni muhimu kuleta teknolojia hii ambayo itasaidia wakulima kuongeza uzalishaji wao kwa ufanisi mkubwa,” Amesema Mgonja.

“Mashine za Mzuri si za kawaida, Zimebuniwa ili kuchanganya hatua tatu muhimu za kilimo: kulima, kupanda mbegu, na kuweka mbolea kwa wakati mmoja”


Mgonja amesema Teknolojia hiyo sasa inapatikana katika nchi 50 duniani, na Tanzania ni moja ya nchi zinazofaidika nayo kwani Mbali na za kilimo pia kampuni hiyo inazalisha mbolea za kimiminika na tayari imesajili aina 11 za mbolea hapa nchini.

Amesema Mashine hizo zinapatikana katika ukubwa tofauti na zina uwezo wa kufanya kazi kwa ufanisi mkubwa ambapo Mashine ya mita 3: Inalima heka 6 kwa saa moja, Mashine ya mita 4: Inalima heka 10 kwa saa moja na Mashine ya mita 6: Inalima heka 15 kwa saa moja.

Aidha amesema kwa uwezo huo, mashine za Mzuri zinapunguza muda wa kazi, gharama za uendeshaji, na kuhakikisha kilimo kinakuwa cha kisasa na chenye tija zaidi.


Kwa upande wake Mwanzilishi na Mkurugenzi wa Mzuri World, Marek Rozniak, amesisitiza kuwa lengo la kampuni sio kuuza mashine tu, bali pia kutoa msaada kwa wakulima ili waweze kutumia teknolojia hii kwa ufanisi. 



“Teknolojia ya Mzuri inasaidia wakulima kutumia raslimali zao kwa ufanisi mkubwa”alisema


Ameongeza kuwa kwa kutumia mashine hizo, mkulima anaweza kupunguza gharama za uzalishaji huku akiongeza mavuno yake kwa kiwango kikubwa na kubadili mfumo wa kilimo kutoka wa jadi na kuhamia kwenye kilimo cha kisasa hali itakayoitasaidia kuongeza uzalishaji wa chakula na mazao ya biashara.


Hata hivyo Katika kutoa elimu Kwa vitendo na kuwapa wakulima uelewa wa kina kuhusu manufaa ya teknolojia hiyo pia kampuni hiyo imeandaa shamba maalumu lenye ukubwa wa heka 300 lililopo Vigwaza, Kibaha – Pwani ambapo wakulima watapata fursa ya kuona kwa vitendo jinsi mashine hizo zinavyofanya kazi na manufaa yake katika kilimo cha kisasa.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more