AMANA HOSPITAL YANG’ARA KITAIFA, YAPOKEA TUZO YA HUDUMA BORA.

-

 


AMANA HOSPITAL YANG’ARA KITAIFA, YAPOKEA TUZO YA HUDUMA BORA




Hospitali ya Rufaa ya Mkoa Amana imeibuka mshindi wa kwanza katika utoaji wa huduma bora za matibabu nchini, kati ya hospitali 28 za Rufaa, na kutunukiwa Tuzo ya Huduma Bora ya Matibabu Tanzania.


Tuzo hiyo ilitolewa Aprili 8, mwaka huu, katika hafla rasmi iliyohusisha wawakilishi kutoka Wizara ya Afya, ambapo ilielezwa kuwa mafanikio hayo ni matokeo ya maboresho ya miundombinu, usimamizi madhubuti na juhudi za watumishi wa hospitali hiyo chini ya Mganga Mfawidhi, Dkt. Brayson Kiwelu.


Akizungumza katika hafla hiyo, Katibu Tawala wa Mkoa wa Dar es Salaam,Dkt. Toba Nguvila, alimpongeza Rais wa Jamhuri ya Muungano wa Tanzania, Dkt. Samia Suluhu Hassan, kwa kuendelea kuboresha sekta ya afya nchini.


“Hospitali yetu ya Amana inafanya kazi kubwa, chini ya usimamizi wa Dkt. Kiwelu ambaye amekuwa mbunifu wa mikakati mbalimbali ya kuboresha huduma ambapo sasa tuna vifaa tiba vya kisasa, madaktari bingwa na wauguzi wenye weledi jambo ambalo limepelekea malalamiko kutoka kwa wagonjwa kupungua kwa kiasi kikubwa,” alisema Dkt Nguvila.



“Hospitali yetu ya Amana inafanya kazi kubwa, chini ya usimamizi wa Dkt. Kiwelu kupitia uongozi wake na ubunifu wa mikakati mbalimbali ambapo huduma zimeimarika, malalamiko ya wagonjwa yamepungua, vifaa vya kisasa vimepatikana, na wauguzi wameboreshwa,” alisema Nguvila.


Aliongeza kuwa kwa sasa Amana inatoa huduma kwa kutumia madaktari bingwa wa kisasa, wauguzi mahiri, na vifaa tiba vya kisasa, na kwamba mafanikio hayo ni matunda ya uongozi wa Serikali ya Awamu ya Sita chini ya Dkt. Samia Suluhu Hassan.


Pamoja na mafanikio hayo, Katibu Tawala alitaja baadhi ya changamoto zinazokabili hospitali hiyo, ikiwemo uhaba wa eneo la upanuzi ambapo alisema Serikali ya Mkoa ipo kwenye hatua ya kuwasilisha ombi kwa Mkuu wa Mkoa wa Dar es Salaam, Mhe. Albert Chalamila, ili kuomba kupewa eneo la Shirika la Nyumba (NHC) kwa ajili ya kupanua huduma za hospitali hiyo.




Kwa upande wake, Mganga Mfawidhi wa Hospitali ya Amana, Dkt. Brayson Kiwelu alisema ushindi huo ni matokeo ya mshikamano na juhudi za pamoja za watumishi wa hospitali hiyo katika utendaji kazi wao wa kuwahudumia wagonjwa.


“Tuzo hii ya kitaifa inatupa nguvu mpya,Tunajipanga sasa kuingia kwenye ushindani wa kimataifa kwa kuhakikisha tunatoa huduma bora zaidi kila siku na shukrani zote tunazirudisha kwa Mh. Rais Samia Suluhu Hassan kwa uwekezaji mkubwa na kuimarisha sekta ya afya nchini” alisema Dkt. Kiwelu.


Naye Mjumbe wa Bodi ya Hospitali ya Amana, Bi. Idda Luhanga, alipongeza watumishi wa hospitali hiyo kwa niaba ya watoto njiti na wagonjwa wote wanaopokea huduma, akisisitiza kuwa bodi imeweka mkakati wa kukusanya maoni ya wateja ili kuimarisha zaidi huduma zinazotolewa na kuendelea kushinda tuzo kila mwaka.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more