DC Edward Mpogolo:Rais Samia ametoa bilioni 32 kwaajili ya sekta ya elimu Ilala.

-


Mkuu wa Wilaya  ya Ilala Edward Mpogolo, amesema Rais wa Jamhuri ya Muungano wa Tanzania Dkt.Samia Suluhu Hassan, ametoa zaidi ya Bilioni 32 kwaajili ya sekta ya Elimu katika  idara ya elimu sekondari wilayani Ilala. 


Mheshimiwa Edward Mpogolo ,alisema hayo wakati wa ziara yake kukagua miradi ya maendeleo ikiwemo shule ya sekondari Kitunda ambayo imegharimu shilingi bilioni 4.6.


“Dkt.Samia Suluhu Hassan Rais wetu wa Jamhuri ya Muungano wa Tanzania ametoa fedha zaidi ya shilingi bilioni 32 kwa ajili ya miundombinu ya elimu idara ya Elimu Sekondari wilaya yetu ya Ilala tunamshukuru sana tunaunga mkono juhudi zake za utekelezaji wa Ilani”alisema Mpogolo. 


Mpogolo alisema fedha hizo zimetokana na Mapato ya ndani ya Halmashauri ya Jiji la Dar es Salaam ambayo yamekuwa chagizo kwa ajili ya ujenzi wa shule za Sekondari za magorofa.


Aidha alisema sasa hivi Halmashauri inakwenda kuonyesha nguvu ya ukusanyaji wa fedha kwa ujenzi wa shule za kisasa ambapo shule hiyo ya Kitunda itakuwa ya ghorofa nne,madarasa 16,maktaba ya kisasa ,mahabara 4 na Ofisi 12 .


Alitumia fursa hiyo kumpongeza Mkurugenzi wa jiji la Dar es Salaam Elihuruma Mabelya, kwa uchapakazi wake kwa ajili ya kusimamia miradi ya maendeleo vizuri. 


Wakati huo huo alitoa agizo kwa Mkurugenzi wa jiji Elihuruma Mabelya, kuhakikisha Mkandarasi wa ujenzi huo wa shule ya sekondari anakamilisha  kwa wakati ujenzi wa shule hiyo mpaka February 2026 iwe imekamilika ili Wanafunzi wa shule za Serikali za Kitunda ,Kivule, Ukonga,Kipawa na Kipunguni waweze kusoma katika shule hiyo ya kisasa.



Kwa upande wake Mkurugenzi wa Halmashauri ya jiji la Dar es Salaam Elihuruma Mabelya,alisema  mradi huo wa shule ya sekondari kitunda utakuwa manufaa makubwa kwa wananchi na utawawezesha kutatua changamoto za mrundikano wanafunzi madarasani mradi ambao kwa sasa upo katika hatua ya ujenzi wa gorofa moja.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more