Dkt.Mandai na Mbunge Giga washiriki mbio za hisani za Bunge.

-


Mjumbe wa Baraza la Wazazi Taifa Dkt.Ally Mandai,na Mbunge wa Wazazi (MNEC)ambaye pia ni Mjumbe wa Kamati ya Utekelezaji Bi.Najma Murtaza Giga ,wameshiriki  mbio za hisani kwa ajili ya kuwakilisha Jumuiya ya Wazazi CCM.


Akizungumza mara baada kumaliza  Matembezi hayo ya hisani kwa ajili ya kuchangia fedha za ujenzi wa shule ya Bunge Wavulana ambapo mgeni rasmi alikuwa Waziri Mkuu  wa Jamhuri ya Muungano wa Tanzania, Kassim Majaliwa ,Dkt ,Ally Mandai alisema Jumuiya ya Wazazi ni injini ya chama cha Mapinduzi CCM katika shughuli zote za chama Wazazi wamesimama mstari wa mbele.


"Jumuiya ya Wazazi CCM tupo mstari wa mbele kusaidia shughuli za chama katika kumsaidia Mwenyekiti wa CCM Taifa Dkt.Samia Suluhu Hassan na ushiriki wetu katika michezo pia tupo mstari wa mbele kwasababu michezo inajenga afya na kujenga mahusiano ndani ya jamii”Dkt Mandai.


Aidha Dkt.Ally Mandai alisema Jumuiya ya Wazazi katika kuisaidia Serikali ipo mstari wa mbele  kwenye baadhi ya mambo yakiwemo ya kuisaidia Serikali katika sekta ya afya, sekta ya Elimu na utunzaji mazingira hapa nchini.

Mbunge wa Wazazi MNEC ambaye pia ni mjumbe wa Kamati ya Utekelezaji, Najma Murtaza Giga, aliipongeza Serikali katika kuunga mkono juhudi za Rais Dkt.Samia Suluhu Hassan kukuza sekta ya michezo  na sekta ya Elimu hapa Nchini.


Kwa upande wake Waziri Mkuu Kassim Majaliwa aliwahakikishia, watanzania kuwa fedha zilizokusanywa katika mbio za hisani zinaenda kutumika kama zilivyokusudiwa katika kuchangisha fedha za ujenzi wa shule ya sekondari Bunge Wavulana.


Aidha Waziri Mkuu Majaliwa alisema shule hiyo ya kidato cha tano na sita itajengwa katika eneo la kikombo jiji la Dodoma karibu kidogo na shule ya Wasichana iliyojengwa na wabunge wanawake mwaka 2020.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more