Steve Nyerere Atoa Wito kwa Viongozi wa Dini Kuepuka Siasa Katika Nyumba za Ibada.

-

 


Mwenyekiti wa Taasisi ya Mama Ongea na Mwanao, Steve Mengele maarufu kama Steve Nyerere, amewaasa viongozi wa dini kuhakikisha wanahimiza amani na upendo katika nyumba za ibada, badala ya kupandikiza chuki za kisiasa kwa waumini wao, ili kudumisha amani iliyopo nchini.


Akizungumza na waandishi wa habari jijini Dar es Salaam, Steve alisema kuwa viongozi wa dini wana wajibu mkubwa wa kuitunza amani ya taifa, hivyo wanapaswa kuepuka tabia ya kueneza chuki au kutoa hotuba zenye mwelekeo wa kisiasa mbele ya waumini.


“Viongozi wa dini wanaoingiza siasa za uchochezi kwenye nyumba za ibada, ni vyema wakaweka wazi kwamba wameamua kuingia kwenye siasa, badala ya kuhubiri neno la Mungu. Wajiweke wazi tu, tutawaelewa,” alisema Steve.


Aliongeza kuwa viongozi wa dini wanapaswa kubaki kwenye jukumu lao la kufundisha maadili mema kwa vizazi vya sasa na vijavyo. Mambo ya kisiasa, alisema, waachie wanasiasa, ambao nao wanapaswa kufanya siasa safi zisizogawa jamii.


“Tunalinda taifa letu kwa maslahi yetu sote. Tusikubali watu wachache kutuharibia amani. Zamani kulikuwepo na utaratibu wa kuwaombea viongozi wetu, wanafunzi, na taifa kwa ujumla, lakini siku hizi utaratibu huo umetoweka; muda mwingi hutumika kuhubiri siasa,” alisisitiza.


Steve alisema ameamua kutoa kauli hiyo baada ya kushuhudia ongezeko la viongozi wa dini wanaotumia nyumba za ibada kama majukwaa ya kisiasa, jambo ambalo si jema kwa mustakabali wa Tanzania.


“Viongozi wa kiroho warudi katika misingi ya awali, ambapo nyumba za ibada zilikuwa sehemu ya kupata amani ya moyo. Leo hii, tuna matatizo mengi yanayohitaji maombi, lakini mtu akiingia kuswali, anatumia dakika tano tu, huku mahubiri ya siasa yakichukua zaidi ya dakika 70. Hii si sahihi,” alieleza.


Amehitimisha kwa kusema kuwa nyumba za ibada zinapaswa kuwa mahali pa kumuomba Mungu na kusaidia watu kupata nafuu ya kiroho na kimaisha, badala ya kuwa majukwaa ya kisiasa.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more