Papa Mpya Atangazwa Rasmi: Kardinali Robert Prevost Achaguliwa Kuwa Papa Leo XIV.

-


Kardinali Robert Prevost, mzaliwa wa Chicago, Marekani, ametangazwa rasmi kuwa kiongozi mpya wa Kanisa Katoliki duniani na atajulikana kwa jina la Papa Leo XIV.


Papa Leo XIV mwenye umri wa miaka 69, alihudumu hadi hivi karibuni kama Mkuu wa Dicastery ya Maaskofu katika Vatican. Pamoja na kuwa raia wa Marekani, Papa huyu mpya pia ana uraia wa Peru, ambako amehudumu kwa muda mrefu katika shughuli za kichungaji.


Akihutubia maelfu ya waumini waliokusanyika katika Uwanja wa Mtakatifu Petro kwa mara yake ya kwanza kama Papa, alitoa ujumbe wa matumaini na amani:

“Amani iwe nanyi nyote. Wapendwa, ndugu na kina dada, hii ni salamu ya kwanza ya ufufuko wa Kristo. Ningependa kutoa salamu ya amani iwafikie familia zenu, ninyi nyote, popote mlipo. Amani iwe nanyi.”



Uchaguzi huu unafuatia kifo cha Papa Francis aliyefariki dunia Jumatatu ya Pasaka tarehe 21 Aprili akiwa na umri wa miaka 88. Mazishi yake yalifanyika Jumamosi tarehe 26 Aprili na kuhudhuriwa na viongozi mbalimbali kutoka kote duniani.


Mkutano wa siri wa uchaguzi wa Papa (Conclave) ulianza jana katika Kanisa dogo la Sistina, ambapo makardinali 133 kutoka duniani kote walishiriki. Huu ni mkutano wa tatu mfululizo wa uchaguzi wa Papa kufanyika ndani ya siku mbili, kama ilivyokuwa mwaka 2005 na 2013.


Kabla ya kuchaguliwa kwa Papa Leo XIV, kulikuwa na majina kadhaa yaliyokuwa yakitajwa kama warithi wa kiti cha Mtakatifu Petro.

Kati ya waliotajwa sana ni Kardinali Pietro Parolin, aliyekuwa Katibu wa Mambo ya Nje wa Vatican; Kardinali Peter Turkson kutoka Ghana; Kardinali Fridolin Ambongo wa Jamhuri ya Kidemokrasia ya Kongo; Kardinali Luis Antonio Tagle wa Ufilipino; pamoja na Kardinali Joseph Tobin na Prevost mwenyewe.


Kuchaguliwa kwa Papa Leo XIV kunatazamwa kama mwelekeo mpya wa uongozi wa Kanisa Katoliki duniani, ukionesha muunganiko wa uzoefu wa kichungaji, utawala wa Kanisa, na maono ya kimataifa.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more