CCM Yavunja Rekodi ya Uchukuaji Fomu, Zaidi ya 20,000 Wajitokeza Kugombea Nafasi za Ubunge na Udiwani.

-


Chama Cha Mapinduzi (CCM) kimetangaza kukamilisha kwa mafanikio makubwa zoezi la uchukuaji na urejeshaji wa fomu za kugombea nafasi mbalimbali za uongozi kuelekea Uchaguzi Mkuu wa 2025, huku zaidi ya wanachama 20,000wakijitokeza kuwania nafasi hizo.


Zoezi hilo lilianza tarehe 28 Juni na kukamilika rasmi Julai 2, likihusisha nafasi za Udiwani, Ubunge, Uwakilishi, pamoja na Viti Maalum kwa upande wa Tanzania Bara na Zanzibar.


Akizungumza na waandishi wa habari jijini Dar es Salaam, Katibu wa Itikadi na Uenezi wa CCM Taifa, Amos Makalla, alisema kuwa idadi hiyo kubwa ya waombaji ni ishara tosha kuwa CCM bado kinaaminiwa sana na Watanzania wa makundi yote.


“Tumevunjwa rekodi. Hamasa imekuwa kubwa kuliko wakati wowote wa nyuma. Tumeshuhudia makundi mbalimbali yakijitokeza kwa wingi vijana, wanawake, wasanii, bodaboda, machinga, wakulima na wengineo. Hii ni dalili kuwa CCM ni chama imara, chenye sera thabiti na matumaini ya Watanzania,” alisema Makalla.


Aidha Makalla alisema Takwimu Kuu za Uchukuaji Fomu kwa Tanzania Bara jumla ya Waombaji 1,163 walichukua fomu za ubunge katika majimbo 273 ambapo Zanzibar Waombaji walikua 84 katika majimbo 54 huku upande wa Uwakilishi Zanzibar waliochukua fomu walikua 83.


Kwa upande wa Udiwani takribani waombaji 15,000 walijitokeza kwenye kata 3,960,upande wa UWT walikua ni 123 (Bara), 8 (Zanzibar), na 9 wa viti maalum.


Aliongeza kuwa UVCCM walikua 154 (Bara), 7 (Zanzibar) ambapo jumla ni 161 huku upande wa Jumuiya ya Wazaziwalikua 62 kwa ubunge na uwakilishi.


“Kwa ujumla kupitia takwimu hiyo wanachama waliojitokeza kuwania nafasi mbalimbali wanakadiriwa kufikia zaidi ya 20,000, idadi ambayo haijawahi kufikiwa hapo awali katika historia ya CCM” alisema Makalla


Hata hivyo kwa mujibu wa Makalla, vikao vya uteuzi vinaanza rasmi Julai 4, kuanzia ngazi ya kata kwa wagombea wa udiwani, na kufuatiwa na vikao vya mikoa tarehe 9 Julai. 


Kwa upande wa ubunge na uwakilishi, Kamati Kuu ya Halmashauri Kuu ya Taifa (NEC) itafanya uteuzi wa mwisho tarehe 19 Julai 2025.


Alisema Katika mfumo mpya wa uteuzi, chama hicho kitaainisha wagombea watatu bora kwa kila nafasi kabla ya kupitishwa rasmi na vikao vya juu, tofauti na mfumo wa zamani ambapo wagombea walienda moja kwa moja kupigiwa kura.


“Tunataka wagombea bora, waadilifu na wanaokubalika kwa wananchi. Mfumo huu unalenga kuongeza ubora wa viongozi wanaopitishwa na CCM,” alisisitiza Makalla.


Makalla alisema Mwenyekiti wa CCM Dkt Samia Suluhu Hassan amevitaka vikao vya uchujaji vitende haki visionee watu na haki ionekane ikitendeka na kuwaomba  wanachama kuwa watulivu wakati wa mchakato wa uteuzi ndani ya chama.


“Nimeelekezwa kwa niaba ya Halmashauri Kuu ya Taifa Mwenyekiti wetu wa Chama Cha Mapinduzi Dkt Samia Suluhu Hassan anavitaka vikao vya uchujaji vitende haki visionee watu, vitende haki na haki ionekane ikitendeka,” amesema Makalla.


“Tunatambua kiu yao ya kutaka kuhudumu kwa wananchi kupitia CCM. Hata hivyo, ni muhimu kusubiri maamuzi ya chama kwa nidhamu na subira,” aliongeza.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more