DCP MISIME AWATAKA POLISI KATA KUFANYA KAZI KWA KUZINGATIA MAADILI NA USHIRIKIANO KATIKA KATA ZAO.

-


Msemaji wa Jeshi la Polisi Naibu Kamishna wa Polisi (DCP) David Misime amewataka Polisi Kata kuzingatia maadili na kushirikiana na Viongozi wa Serikali za Mitaa waliopo katika maeneo yao ili kuhakikisha wanatekeleza kwa usahihi misingi ya uanzishwaji wa falsafa ya Polisi Jamii kwa kuhakikisha wanabaini, wanazuia na kutanzua uhalifu katika maeneo yao.


Kauli hiyo imetolewa leo Agosti 25, 2025 alipokuwa katika ziara ya kikazi ya kuzungumza na Maafisa wa Polisi Jamii na Polisi Kata wa Kanda Maalum Dar es salaam katika ukumbi wa bwalo la Polisi barabara ya Kilwa Temeke Dar es salaam.


DCP Misime amesema " Jukumu lako wewe Polisi Kata ni kujenga na kuimarisha ushirikiano na maadili katika Kata yako kwa kuhakikisha mnashirikiana vizuri na Viongozi wa Serikali na kufanya kazi kwa kuzingatia kauli mbiu ya Jeshi letu la Polisi ya nidhamu haki weledi na uadilifu".


DCP Misime alipata fursa ya kufafanua maudhui yaliyomo katika kitabu cha mwongozo wa mafunzo ya Polisi Kata chenye lengo la kuhakikisha Polisi Kata wote nchini wanakuwa na mfanano wa nini kinatakiwa kuwasilishwa kwa jamii juu ya ushirikishwaji wa jamii katika kubaini, kuzuia na kutanzua uhalifu katika jamii husika.


Pia Afisa Mnadhimu wa Kamisheni ya Polisi Jamii Makao Makuu ya Polisi Kamishna Msaidizi Mwandamizi wa Polisi

(SACP) George Salala alifafanua majukumu ya Polisi Kata na Viongozi wa Serikali za Mitaa katika kuhakikisha jamii yao inakuwa salama muda wote.


Aidha, kwa upande wake Mkaguzi wa Polisi Agness Mwayombo kutoka Makao Makuu ya Polisi alisisitiza kutoa kipaumbele kwa uwasilishaji wa mada za ukatili wa kijinsia kwa jamii sambamba na kuwahudumia mahanga na manusula katika mazingira yenye kuzingatia utulivu na usiri.


Akitoa neno la shukrani Mkuu wa Dawati la Jinsia na watoto Kanda Maalum Dar es salaam Kamishna Msaidizi wa Polisi Leah Mbunda amewashukuru wawasilishaji mada wote kwa mada zao nzuri zenye kuleta tija katika ufanyaji wa kazi za Polisi.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more