“Kuna Maisha Baada ya Uchaguzi, Tuwe Mabalozi wa Amani”-Jaji Mutungi.

-

Msajili wa Vyama vya Siasa, Jaji Francis Mutungi, amevitaka vyama vya siasa kufanya kampeni za kistaarabu na kuepuka lugha zinazoweza kuhatarisha amani ya taifa kuelekea Uchaguzi Mkuu wa Oktoba 2025.

Akifungua mafunzo ya siku moja kuhusu Sheria ya Gharama za Uchaguzi kwa viongozi wa vyama, Jaji Mutungi alisema elimu hiyo inalenga kuongeza uelewa wa namna sheria hiyo inavyotekelezwa ili kuepusha kasoro kwenye uchaguzi.

“Kuna maisha baada ya uchaguzi. Amani ya Taifa ipewe kipaumbele. Tukitumbukia kwenye machafuko, hatutakuwa na siasa wala maendeleo,” alisema Jaji Mutungi.

Aidha, aliwataka wagombea kuja na sera bora zitakazowashawishi wananchi badala ya kushindana kwa lugha za matusi dhidi ya wenzao huku akionya kuhusu taarifa za upotoshaji mitandaoni akisisitiza kwamba uvumi wa kutokuwepo uchaguzi hauna msingi.

“Uchaguzi upo, na utakuwa wa amani na haki,” alisisitiza.

Kwa upande wake, Mwenyekiti wa Baraza la Vyama vya Siasa, Juma Khatibu, aliwahimiza wagombea na vyama kuzingatia masharti ya Sheria ya Gharama za Uchaguzi ili kuepusha makosa ya kisheria.

Awali Khatibu amempongeza msajili wa vyama vya siasa, Jaji Francis Mutungi, kwa hatua ya kuwaleta pamoja viongozi wa kitaifa na watendaji wa vyama kwa lengo la kutoa elimu na kuimarisha msingi wa demokrasia.

"Mheshimiwa mgeni rasmi, tunakupongeza sana kwa kazi nzuri ya ulezi wa vyama vya siasa. Umeona umuhimu wa kutukutanisha hapa ili kupitia sheria ya gharama za uchaguzi, jambo hili ni jema kwa sababu linapunguza kasoro katika uchaguzi wetu," alisema Khatibu.


“Awali baadhi ya wagombea walikuwa hawana uelewa wa kutosha na walijikuta wakitumia risiti za kughushi wakidhani watarudishiwa fedha. Leo tunapata elimu ya kutosha,” aliongeza Khatibu.



Hata hivyo, baadhi ya washiriki wa mafunzo hayo waliomba sheria hiyo iwekwe pia katika lugha ya Kiswahili ili iwe rahisi kueleweka kwa wanasiasa na wagombea wengi zaidi.

Mwenyekiti wa Chama cha Wananchi (CUF), Profesa Ibrahim Lipumba, alisema fomu na nyaraka zinazotolewa kwa Kiingereza zinawapa changamoto kubwa wagombea wengi.

“Wagombea wengi wanafahamu Kiswahili vizuri zaidi. Tukipata fomu na nyaraka kwa Kiswahili itarahisisha uelewa na kupunguza makosa,” alisema Profesa Lipumba.

Aidha, aliongeza kuwa sharti la mgombea kuwa na akaunti ya benki binafsi linaweza kuwa kikwazo kwa baadhi ya wagombea wa maeneo ya pembezoni ambako huduma hizo hazijafika kwa urahisi.

Kwa upande wake, Mgombea Urais wa Chama cha NLD, Doyo Hassan, alisema fomu za Kiingereza zinawatenga wagombea wasioweza lugha hiyo, jambo linalowalazimisha kujaza fomu chini ya msaada wa watu wengine.

“Hali hii inaweza kuathiri uhuru na usahihi wa taarifa za mgombea,” alisema Doyo.

Mafunzo hayo yamelenga kusaidia vyama na wagombea kuendesha kampeni kwa uwazi, uadilifu na bila migogoro, huku washiriki wakisisitiza umuhimu wa kutumia Kiswahili ili sheria iweze kueleweka kwa kila mmoja kuelekea Uchaguzi Mkuu wa Oktoba 2025.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more