Mpina, Mluumbe waenguliwa kwenye kinyang’anyiro cha urais

-


Ofisi ya Msajili wa Vyama vya Siasa imetengua uteuzi wa wagombea wa nafasi ya urais wa Jamhuri ya Muungano wa Tanzania waliokuwa wamepitishwa na vyama vyao.


Wagombea waliotenguliwa ni Bw. Wilson Elias Mluumbe wa Chama cha Alliance for Democratic Change (ADC) na Bw. Luhaga Joelson Mpina wa ACT–Wazalendo.


Kwa mujibu wa taarifa iliyotolewa  na Msajili, imesema hatua hiyo imechukuliwa baada ya kupitia vielelezo na ushahidi uliowasilishwa na pande husika, na kubaini kuwa mchakato wa uteuzi ndani ya vyama hivyo ulikiuka Sheria ya Vyama vya Siasa (Sura 258), pamoja na Katiba na Kanuni za vyama husika.


Msajili amesisitiza kuwa, kwa mujibu wa kifungu cha 6A(2) cha Sheria ya Vyama vya Siasa, vyama vinapaswa kuendesha shughuli zake kwa kuzingatia Katiba ya Nchi, Sheria, pamoja na Katiba na Kanuni zao.


Aidha, alionya kuwa wagombea wa nafasi mbalimbali lazima wapitishwe kwa njia halali na ya kidemokrasia ili kulinda utawala wa sheria, amani na mshikamano wa kitaifa.


Vyama husika vimepewa barua rasmi kuhusu uamuzi huo na kuagizwa kuchukua hatua stahiki kwa mujibu wa sheria. Wakati huo huo, Msajili ameushukuru ushirikiano wa vyama hivyo katika kushughulikia malalamiko yaliyowasilishwa.


Pamoja na hilo, Msajili amevikumbusha vyama vyote vyenye usajili kamili kuendelea kuzingatia sheria, Katiba na misingi ya demokrasia kabla, wakati na baada ya uchaguzi.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more