ASKARI MAGEREZA AFARIKI NJOMBE BAADA YA KUJIRUSHA KWENYE GARI LA POLISI.

-


Askari wa Jeshi la Magereza mkoani Njombe, Erasto Mlelwa (26) mwenye namba C.916 WDR, amefariki dunia baada ya kujirusha kutoka ndani ya gari la Polisi lililokuwa kwenye mwendo, akidaiwa kufanya hivyo mara baada ya kuoneshwa mwili wa askari mwenzake anayedaiwa kumuua.


Kamanda wa Polisi Mkoa wa Njombe, Mahamoud Banga, amethibitisha kutokea kwa tukio hilo na kueleza kuwa Mlelwa alijirusha kutoka kwenye gari wakati Jeshi la Polisi likielekea Hospitali ya Lilondo, Madaba mkoani Ruvuma kwa ajili ya uchunguzi wa mwili wa askari huyo aliyeuawa.


“Mtuhumiwa baada ya kuona mambo yako wazi aliamua kujitoa uhai wake kwa kuruka kutoka kwenye gari na kuangukia kichwa. Alipofikishwa hospitali tayari alikuwa amepoteza maisha,” alisema RPC Banga.


RPC Banga alifafanua kuwa, Jeshi la Polisi lilikuwa likiendelea na uchunguzi wa kupotea kwa Askari Magereza C.681 WDR Dickraka Mwamakula (24) tangu Septemba 7, 2025, ambapo kwa mara ya mwisho alionekana akiwa na Mlelwa katika eneo la Lilondo kwa shughuli za mashamba.


Baada ya msako na uchunguzi, mwili wa Mwamakula ulipatikana umefukiwa shambani, ukiwa na jeraha kisogoni na kuchomwa moto. 


Polisi wamesema chanzo cha tukio hilo kinadaiwa kuwa ni wivu wa kikazi, baada ya Mlelwa kudaiwa kutoridhishwa na namna Mwamakula alivyokuwa akipongezwa kutokana na utendaji wake.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more