Biteko: Motisha kwa Wahandisi Ndiyo Nguvu ya Maendeleo ya Taifa.

-


Na Mwandishi Wetu, Dar es Salaam


Naibu Waziri Mkuu na Waziri wa Nishati, Dkt. Doto Biteko, amesema zaidi ya asilimia 70 ya ubunifu mpya wa kiteknolojia duniani unatokana na taaluma ya uhandisi, hivyo Serikali itaendelea kuwapa motisha wahandisi ili kuongeza kasi ya maendeleo ya Taifa.


Dkt. Biteko aliyasema hayo  jijini Dar es Salaam, alipomwakilisha Waziri Mkuu, Kassim Majaliwa, kufungua maadhimisho ya 22 ya Siku ya Wahandisi Tanzania, yaliyozinduliwa kwa kauli mbiu “Wajibu wa Wahandisi kuelekea Dira ya Taifa ya Maendeleo 2050.”


Alifafanua kuwa zaidi ya asilimia 90 ya maendeleo ya viwanda duniani yanategemea huduma za wahandisi, hivyo ni taaluma isiyoweza kuepukika katika safari ya maendeleo ya taifa lolote.


“Kwa niaba ya Serikali, naomba niwakumbushe kuwa Taifa linawategemea sana.Tunawategemea, tunawahitaji, naomba mjue Serikali itaendelea kuwategemea wakati wote mnapotekeleza majukumu yenu,” alisema Dkt. Biteko.


Ameongeza kuwa motisha kwa wahandisi wanaoshiriki katika miradi ya kimkakati, sambamba na kuwajengea uwezo wa kushiriki miradi mingine, ni nyenzo muhimu ya kuimarisha kizazi cha wahandisi wazalendo. 


Alisisitiza kuwa ERB haitakiwi kuishia kutoa adhabu pekee, bali pia ihakikishe inatambua na kupongeza wale wanaofanya vizuri kwa kuwatunuku zawadi na tuzo.


Kwa upande wake, Waziri wa Ujenzi, Abdallah Ulega, alisema Wizara yake kwa kushirikiana na ERB itaendelea kuboresha mazingira ya kitaaluma kwa wahandisi, ikiwemo kuwapa mafunzo kwa vitendo kupitia mpango wa wahitimu (SEAP). 


Alibainisha kuwa Serikali imejipanga kuhakikisha wahandisi wazawa wanashiriki kikamilifu katika miradi ya kimkakati ya Taifa, ikiwemo ujenzi wa reli ya SGR, bomba la mafuta, barabara, madaraja, viwanja vya ndege, pamoja na miradi ya maji na umeme.


“Tunataka kila mradi wa kimkakati uwe chuo cha vitendo kwa wahandisi wetu, ili ujuzi na utaalamu wa kizalendo uzidi kuimarika. Hii ndiyo njia pekee ya kuijengea nchi uwezo wa ndani wa kusimamia maendeleo yake,” alisema Ulega.



Naye Mwenyekiti wa Bodi ya Usajili wa Wahandisi (ERB),Mhandisi Wakili Menye Manga, alisema hadi sasa bodi imesajili wahandisi 44,000 na mafundi sanifu 3,445, lakini bado idadi hiyo haitoshelezi mahitaji ya nchi. 


“ERB itaendelea kushirikiana na Serikali kuhakikisha idadi ya wahandisi inaongezeka sambamba na ubora wa taaluma hiyo”alisema Mhandisi Manga.


Maadhimisho ya mwaka huu yamehudhuriwa na zaidi ya wahandisi 4,000 kutoka ndani na nje ya nchi, ambapo mgeni rasmi alishuhudia kiapo cha wahandisi 400 na kuzindua ‘ERB Mhandisi App’ ambayo itawawezesha kupata taarifa mbalimbali za kitaaluma na kisheria nchini.





Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more