Doyo: Nitaiunganisha Serengeti na Bunda, Arusha na Mikoa Mengine, Endapo NLD Itashinda.

-


Mgombea Urais wa Jamhuri ya Muungano wa Tanzania kupitia Chama cha National League for Democracy (NLD), Mhe. Doyo Hassan Doyo, ameahidi kuimarisha miundombinu ya barabara katika Wilaya ya Serengeti, iwapo atachaguliwa kuwa Rais.


Akihutubia wakazi wa Mji wa Mugumu, Mhe. Doyo alisema ni aibu kwa wananchi wa Serengeti kukosa barabara za kisasa zinazowaunganisha na maeneo mengine, licha ya kuwa eneo hilo ni lango kuu la vivutio vya utalii nchini.


“Ni fedheha wananchi wa Serengeti kukosa barabara bora. Nitaunganisha Serengeti na Bunda, Arusha na mikoa mingine, ili mji huu uwe na tija kijamii na kukuza uchumi endelevu kwa vizazi vyenu,” alisema Mhe. Doyo.


Aliongeza kuwa baadhi ya mikoa ya Kaskazini tayari imenufaika na barabara za kiwango cha juu, jambo lililowarahisishia wananchi shughuli za biashara na maisha ya kila siku, hivyo wananchi wa Serengeti nao wanapaswa kufurahia maendeleo hayo.


Mhe. Doyo aliahidi kujenga barabara ya Zenge pamoja na miundombinu mingine muhimu, ili kuhakikisha Serengeti inapata kiunganishi cha kisasa chenye ubora na manufaa ya moja kwa moja kwa wananchi.


Kwa sasa, msafara wa mgombea huyo wa NLD upo mkoani Mara kwa ajili ya kuanza rasmi kampeni katika mikoa ya Kanda ya Ziwa.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more