GCAP Yaitaka Serikali Kuchukua Hatua Madhubuti Kukabili Umasikini, Usawa na Changamoto za SDGs

-


Na Fidea Masunga,Dar es salaam.

Mtandao wa Kupambana na Umaskini (GCAP) Tanzania umeitaka Serikali kuchukua hatua za haraka na madhubuti kukabiliana na umasikini na ukosefu wa usawa nchini, ili kuhakikisha maendeleo yanawafikia wananchi wote kwa usawa.


Akizungumza jijini Dar es Salaam wakati wa kuadhimisha miaka 10 ya utekelezaji wa Malengo Endelevu ya Dunia (SDGs), Mratibu wa Taifa wa GCAP Tanzania, Martina M. Kabisama, alisema licha ya mafanikio yaliyopatikana katika sekta za elimu, afya na miundombinu, bado kuna changamoto kubwa zinazohitaji suluhisho la dharura.


“Serikali isichukulie suala hili juu juu, bali ihakikishe sera na bajeti zinawalenga wananchi wote bila kubagua. Wapo wananchi wanaoendelea kusalia nyuma kutokana na umasikini, ukosefu wa usawa na athari za mabadiliko ya tabianchi,” alisema Kabisama.


Kwa upande wake, Rosemary Mwaipopo kutoka Dayspring Foundation, ambaye pia ni mwanachama wa GCAP, alisisitiza umuhimu wa Serikali kuongeza uwekezaji katika mifumo ya ulinzi wa kijamii na kupunguza pengo la usawa wa kijinsia na kiuchumi.


“Kila kaya inapaswa kupata kinga dhidi ya umasikini na mishtuko ya kiuchumi. Ajira zenye staha kwa vijana na wanawake ndizo msingi wa maendeleo jumuishi,” alisema Mwaipopo.


Katika tamko lake, GCAP ilibainisha changamoto saba kuu zinazozuia utekelezaji wa Malengo Endelevu ya Dunia (SDGs) nchini. Changamoto hizo ni umasikini wa kipato, ajira duni kwa vijana na wanawake, ukosefu wa usawa wa kijinsia na kiuchumi, udhaifu wa mifumo ya uwajibikaji, athari za mabadiliko ya tabianchi, hifadhi ndogo ya kijamii pamoja na ukuaji wa uchumi usio jumuishi.


Mtandao huo ulisisitiza kuwa bila kushughulikia changamoto hizo kwa dhati, Tanzania inaweza kuchelewa kufikia Dira ya Maendeleo 2050 na kutimiza ajenda ya “maendeleo yasiyomwacha mtu nyuma” kama ilivyokusudiwa na SDGs.

.




 



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more