MAKAMU WA RAIS DKT. PHILIP MPANGO AKUTANA NA BALOZI MTEULE WA TANZANIA NCHINI JAPAN.

-


Dodoma, Tanzania – Makamu wa Rais wa Jamhuri ya Muungano wa Tanzania, Mheshimiwa Dkt. Philip Mpango, amekutana na kufanya mazungumzo na Balozi mteule wa Tanzania nchini Japan, Mheshimiwa Anderson Mutatembwa, katika kikao kilichofanyika Ikulu Chamwino mkoani Dodoma.


Katika mazungumzo hayo, Makamu wa Rais alisisitiza umuhimu wa diplomasia ya uchumi, akimtaka Balozi Mutatembwa kuhakikisha anavutia wawekezaji na wafanyabiashara kutoka Japan pamoja na kuimarisha ushirikiano wa kibiashara na uwekezaji.


Amesema ni vema kushawishi makampuni ya Japan kuwekeza nchini Tanzania, hususan kwenye viwanda vya magari, dawa na vifaa tiba, bidhaa za kielektroniki pamoja na sekta ya lojistiki, kwa kuzingatia nafasi ya Tanzania kama lango la kibiashara katika ukanda wa Afrika Mashariki na Kati.


Aidha, Makamu wa Rais amemtaka Balozi Mutatembwa kuweka kipaumbele katika sekta za kimkakati ikiwemo Utalii, Kilimo, Uvuvi na Afya. Amesema Japan imepiga hatua kubwa katika teknolojia ya tiba ya magonjwa yasiyoambukiza, ikiwemo moyo na figo, hivyo ni vyema kuimarisha ushirikiano wa kitaaluma na tafiti kwa Watanzania.


Vilevile, Makamu wa Rais ameagiza kusimamiwa kwa makubaliano yaliyopo baina ya Tanzania na Japan kupitia Mpango wa Ushirikiano wa Japan na Afrika pamoja na mikataba ya ushirikiano kati ya miji ya nchi hizo mbili.


Amesisitiza pia umuhimu wa kuwaunganisha Watanzania wanaoishi nchini Japan ili kuchangia maendeleo ya Taifa, hususan kupitia uwekezaji katika sekta ya biashara na makazi, huku akiwakumbusha kuzingatia sheria na taratibu za nchi hiyo ili kulinda heshima ya Tanzania.


Pamoja na hayo, Makamu wa Rais amesisitiza kuendelezwa kwa jitihada za matumizi ya lugha ya Kiswahili nchini Japan, na kutafuta fursa zinazohusiana na lugha hiyo, ikiwemo walimu na wakalimani.


Makamu wa Rais amempongeza Balozi Mutatembwa kwa kuteuliwa kuiwakilisha Tanzania nchini Japan, akimtaka ajikite katika nyenzo kuu za kitaifa ikiwemo Dira ya Taifa ya Maendeleo 2050, Ilani ya CCM, na takwimu rasmi kutoka Ofisi ya Taifa ya Takwimu.


Kwa upande wake, Balozi mteule Mheshimiwa Anderson Mutatembwa amemshukuru Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, kwa kumteua kuiwakilisha Taifa nchini Japan, na kuahidi kuimarisha zaidi ushirikiano wa muda mrefu uliopo baina ya Tanzania na Japan sambamba na kulinda maslahi ya Taifa.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more