MGOMBEA UBUNGE KILOSA (ACT WAZALENDO) AJA NA MWAROBAINI WA KUMALIZA MIGOGORO YA WAKULIMA NA WAFUGAJI.

-


Mgombea Ubunge wa Kilosa kupitia Chama cha ACT Wazalendo, Hassan Thabiti Mbaruku, amewapa wananchi wa jimbo hilo matumaini mapya baada ya kutoa mwarobaini wa namna atakavyokabiliana na migogoro ya wakulima na wafugaji, changamoto inayokwamisha maendeleo ya kilimo na ufugaji katika eneo hilo. 


Ahadi hiyo alitoa Septemba 22, 2025, akizungumza na waandishi wa habari katika ofisi za makao makuu ya ACT Wazalendo jijini Dar es Salaam, baada ya kukabidhiwa Ilani ya Chama kwa mwaka 2025/2026 kuelekea Uchaguzi Mkuu unaotarajiwa kufanyika Oktoba 29, 2025.


Mgombea huyo kijana, anayejivunia matamanio ya kuleta mageuzi na maendeleo makubwa katika Kilosa, alisema migogoro ya ardhi na malisho ni changamoto sugu inayokwamisha wananchi.


“Migogoro hii imekuwa ikichangia wakulima kutoendelea na wafugaji kupata malisho ya kutosha. Endapo nitachaguliwa, nitahakikisha maeneo maalum yanatengwa kwa kila upande ili shughuli zao ziwe huru na kwa usawa,” alisema Mbaruku.


Aidha, Mbaruku ameeleza kuwa atashirikiana na Serikali katika kupanga maeneo maalum ya kilimo na malisho, pamoja na kuhakikisha eneo la nyasi kwa ajili ya mifugo limetengwa ipasavyo. Anadai kuwa njia hii italeta suluhisho la kudumu kwa migogoro hiyo.


Mbali na hilo, mgombea huyo amejipanga kushughulikia changamoto nyingine muhimu jimboni Kilosa ambapo Pamoja na kuboresha sekta ya afya kwa kuhakikisha Zahanati za Kata zinapandishwa hadhi ya kuwa Vituo vya Afya na kuboresha Hospitali ya Wilaya, atahakikisha pia ajira kwa vijana zinapatikana kupitia kuanzishwa kwa viwanda vidogo vidogo vitakavyozalisha ajira na kuongeza thamani ya mazao ya wakulima.


Mbaruku amesisitiza umuhimu wa kuboresha miundombinu ya barabara za mitaa na mifereji ya maji, huku akiahidi pia kufanya maboresho katika sekta ya elimu kwa kuondoa michango isiyo na tija na kuhakikisha shule za msingi na sekondari zinapata rasilimali zinazohitajika.


Mgombea huyo amehimiza wananchi wa Kilosa kupigia kura kuwa mbunge wao sanjari na kushirikiana naye katika jitihada za kuleta amani na maendeleo, akisema kuwa utekelezaji wa mwarobaini huu utagusa kila kona ya jimbo hilo na kuboresha maisha ya wakazi wake kwa ujumla.



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more