NIDA Yawahamasisha Wananchi Kujisajili, Yawahudumia Wenye Ulemavu

-


Dar es Salaam

Mamlaka ya Vitambulisho vya Taifa (NIDA) imewataka wananchi kuhakikisha wanajisajili na kupata vitambulisho mara tu wanapofikisha umri wa miaka 18, ili kuepuka msongamano na kurahisisha upatikanaji wa huduma muhimu nchini.


Wito huo umetolewa jana jijini Dar es Salaam na Mkurugenzi wa Idara ya Uzalishaji Vitambulisho NIDA, Edson Guyai, wakati wa kilele cha maadhimisho ya Siku ya Utambulisho Duniani.


“Ukifika miaka 18 nenda ukajisajili mara moja. Kitambulisho hiki ndicho kitakachokutambulisha na kukuwezesha kupata huduma zote muhimu,” alisema Guyai.


Katika maadhimisho hayo, NIDA iliwahudumia pia watu wenye ulemavu, hatua iliyopokelewa kwa furaha na viongozi wa ustawi wa jamii pamoja na walemavu wenyewe.


Afisa Ustawi wa Jamii wa Halmashauri ya Temeke, Restita Bujiku, alisema zoezi hilo limekuwa msaada mkubwa kwao.


“Hii ni fursa muhimu kwa walemavu ambao mara nyingi hawajitokezi kwa wingi kujisajili. Tunashukuru NIDA kwa kutufikia,” alisema Bujiku.


Miongoni mwa walemavu waliosajiliwa, Mabadi Mlawa, alisema vitambulisho hivyo vitawaondoa kwenye utegemezi wa kutumia nyaraka za ndugu na jamaa.


“Mimi naomba wenzangu tuitumie fursa hii. Kitambulisho chetu kitatusaidia kupata huduma bila kikwazo,” alisema.


Kauli mbiu ya mwaka huu ni “Kitambulisho changu, mwavuli wangu”, ikisisitiza umuhimu wa kila Mtanzania kujisajili na kutambulika rasmi.






Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more