Polisi Mbeya Wakamata Mtuhumiwa wa Mauaji ya Mtoto, Waendelea Kuchunguza Kifo cha Mwanachuo.

-

 


Mbeya

Jeshi la Polisi Mkoa wa Mbeya linamshikilia mwanamke mmoja kwa tuhuma za mauaji ya mtoto wa miaka 15 huku pia likiendelea na uchunguzi wa mauaji ya mwanafunzi wa mwaka wa kwanza wa Chuo Kikuu cha Mzumbe ndaki ya Mbeya.


Kwa mujibu wa Kamanda wa Polisi Mkoa wa Mbeya, Kamishna Msaidizi Mwandamizi wa Polisi (SACP) Benjamin Kuzaga, tukio la kwanza lilitokea Septemba 16, 2025 katika eneo la DDC Mbalizi, Kata ya Utengule Usongwe, ambapo mwili wa Rehema Sikalengo [15] ulikutwa jikoni nyumbani kwao ukiwa umetumbukizwa kwenye jaba lililokuwa na maji.


SACP Kuzaga amesema mtuhumiwa anayeshikiliwa ni Magreth Jonas Lyanda, mkazi wa Mbozi, aliyekamatwa Septemba 18, 2025 katika eneo la Mlowo, Wilaya ya Mbozi. Uchunguzi wa awali umeonyesha kuwa mtuhumiwa alidaiwa kuhusiana na madai ya ujira wake wa zamani alipokuwa akifanya kazi kwa mama mzazi wa marehemu.


Katika tukio la pili, SACP Kuzaga amesema Jeshi la Polisi linaendelea na uchunguzi wa kifo cha mwanafunzi wa sheria, Shairose Michael Mabula [21], aliyeripotiwa kupotea Septemba 14, 2025 na baba yake Dkt. Michael Mabula.


Septemba 16, 2025 kulitokea ajali ya moto katika Mtaa wa Morovian, Kata ya Isyesye Jijini Mbeya ambapo mwili wa binti mmoja ulipatikana baada ya moto kuzimwa. Baada ya uchunguzi wa kitabibu, ilibainika kuwa mwili huo ni wa Shairose Mabula.


SACP Kuzaga amesema uchunguzi wa kina unaendelea, ikiwemo kutumia mbinu za kisayansi kubaini mazingira ya tukio na kuwakamata waliohusika. Aidha, amewataka wananchi kutoa taarifa zitakazosaidia kufanikisha kukamatwa kwa wahusika na kuepusha tabia ya kujichukulia sheria mkononi.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more