Serikali Kupitia Wizara ya Mawasiliano Yajipanga Kupanua na kuboresha Mawasiliano Vijijini.

-


Na Fidea Masunga,Dar es Salaam.


Serikali kupitia Wizara ya Mawasiliano na Teknolojia ya Habari imesema imejipanga kuhakikisha kila Mtanzania, awe mjini au kijijini, anapata huduma bora na za uhakika za simu pamoja na usikivu mzuri wa redio.


Mkurugenzi wa Idara ya Utawala na Rasilimali Watu wa wizara hiyo, Salome Kessy, alisema hayo alipofungua mafunzo ya ndani kwa wataalamu wa Mradi wa Miundombinu ya Mawasiliano Vijijini yanayofanyika jijini Dar es Salaam kuanzia Septemba 29 hadi Novemba 7, 2025.



Mafunzo hayo yamelenga kuwajengea uwezo wa kiufundi katika usimamizi wa mitandao ya simu vijijini, uendeshaji wa miundombinu ya mawasiliano, pamoja na utatuzi wa changamoto zinazohusu huduma za simu na intaneti.


Kwa mujibu wa Kessy, kufikia Juni 2025 Tanzania ilikuwa na zaidi ya laini za simu milioni 92, sawa na upenyo wa asilimia 136. Aidha, kulikuwa na watumiaji wa intaneti milioni 54, sawa na upenyo wa asilimia 79.


Alisema huduma za intaneti ya kasi zimewafikia wananchi kwa kiwango cha asilimia 98 kupitia 2G, 93 kwa 3G, 92 kwa 4G na 26 kwa 5G. Hata hivyo, alibainisha kuwa bado matumizi ya simu janja yako chini, yakiwa na upenyo wa asilimia 37 pekee.


“Serikali itaendelea kuwekeza kwenye ujenzi wa miundombinu ili kuhakikisha kila eneo, hususan vijijini, linafikiwa na huduma za mtandao wa kasi,” alisema Kessy na kuongeza kuwa hatua hiyo ni sehemu ya utekelezaji wa Sera ya Taifa ya TEHAMA na Mkakati wa Taifa wa Uchumi wa Kidigitali 2024–2034, kwa lengo la kufanikisha Dira ya Taifa ya Maendeleo 2050.



Kwa upande wake, Mkurugenzi wa Huduma za Mawasiliano, Mulembwa Munaku, alisema mradi huo unahusisha ujenzi wa minara 636  kati yake, 621 ni ya mawasiliano ya simu na 15 ni ya redio.


Alisema Oktoba 23, 2023 Serikali ilisaini mkataba na kampuni ya China National Technical Import and Export Corporation (CNTIC) kwa ajili ya utekelezaji wa mradi huo.


Mradi huo unatarajiwa kutekelezwa kwa muda wa miezi 24 kuanzia Desemba 9, 2024 hadi Desemba 8, 2026, kwa gharama ya Dola za Marekani milioni 108.5 (takriban Sh280 bilioni), fedha zilizopatikana kupitia mkopo nafuu kutoka Benki ya Exim ya China.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more