TAMWA Yapongeza Wanawake Wagombea Uongozi Katika Uchaguzi Mkuu 2025

-


Dar es Salaam,

Chama cha Wanahabari Wanawake Tanzania (TAMWA) kimewapongeza wanawake wote waliojitokeza kuwania nafasi za uongozi kuanzia ngazi ya udiwani, ubunge hadi urais katika mchakato wa uchaguzi mkuu wa Oktoba 29, 2025.


Kwa mujibu wa taarifa iliyotolewa na Dkt. Rose Reuben, Mkurugenzi Mtendaji wa TAMWA,imesema mchakato wa uteuzi na uchukuaji fomu umeonyesha ari na mwamko mkubwa wa wanawake kushiriki kwenye nafasi mbalimbali za uongozi nchini. 


Kulingana na takwimu za Ulingo Wanawake, wanawake 231 walichukua fomu za ubunge kupitia CCM, na kati yao 25 waliteuliwa na chama, wakiwemo nane wapya huku vyama mbalimbali vya siasa vimeongeza idadi ya wanawake wagombea wenza katika nafasi ya urais na makamu wa Rais.


“Kwa namna ya kipekee, TAMWA inampa pongezi za pekee Mheshimiwa Samia Suluhu Hassan, aliyeteuliwa na CCM kuwa mgombea wa kwanza mwanamke wa urais katika historia ya chama tawala. Hii ni hatua ya kihistoria inayohamasisha ushiriki wa wanawake katika uongozi wa juu nchini.”


TAMWA pia imewatambua wanawake wengine walioteuliwa kugombea urais pamoja na wagombea wenza, wakiwemo:


  • Mwajuma Noty Mirambo (UMD) na mgombea mwenza Mashavu Alawi Haji
  • Eveline Wilbard Munis (NCCR)
  • Husna Mohamed Abdallah (CUF)
  • Aziza Haji Selemani (MAKINI)
  • Amani Selemani Mzee (TLP)
  • Chausiku Khatibu Mohamed (NLD)
  • Sakia Mussa Debwa (SAU)
  • Chuma Juma Abdallah na Devotha Minja (CHAUMA)



“TAMWA inathamini ujasiri na kujituma kwa wanawake wote waliojitokeza au kujaribu kugombea, licha ya changamoto mbalimbali zinazowakabili. Chama kimekuwa mstari wa mbele kuhamasisha ushiriki wa wanawake katika siasa na uongozi kupitia warsha, makongamano, mijadala, na vyombo vya habari ili kuondoa vikwazo vinavyowakabili wanawake.”


Ripoti ya Ofisi ya Taifa ya Takwimu (NBS) inaonesha kuwa hadi Februari 2024, wanawake walikuwa asilimia 37.4 ya wabunge (148 kati ya 392), wengi wao wakiwa kupitia viti maalum. Ripoti za Aprili na Julai 2024 zinaonyesha asilimia 37.5 ya mawaziri ni wanawake.


TAMWA imesisitiza kuwa uwepo wa wanawake katika nafasi za uongozi ni muhimu kwa maendeleo ya taifa, kwani unachangia usawa wa kijinsia, uwajibikaji, na kulinda maslahi ya makundi yote, hususan wanawake na watoto. Chama kinasisitiza uwajibikaji wa jamii, vyama vya siasa, serikali, na wadau kuhakikisha wanawake wanapata nafasi sawa katika siasa na uongozi.


Aidha, TAMWA imetoa wito wa kampeni safi, jumuishi na zenye staha, zinazolenga ustawi na utu wa jamii, badala ya matusi, kejeli au ubaguzi wa kijinsia. Chama kinasisitiza kufuatilia kampeni zote na kuripoti wagombea wanaokiuka kanuni za uchaguzi.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more