TUME YA UCHAGUZI YAMTEUA DK. KHALID SALUM KUWA MWAKILISHI WA JIMBO LA DONGE.

-


Tume ya Uchaguzi ya Zanzibar (ZEC) imemteua na kumtangaza rasmi Dk. Khalid Salum Mohamed wa Chama cha Mapinduzi (CCM) kuwa Mjumbe wa Baraza la Wawakilishi wa Jimbo la Donge kwa kipindi cha mwaka 2025–2030.


Uteuzi huo umefanyika baada ya Dk. Khalid kuteuliwa na tume hiyo kuwa mgombea pekee, kufuatia mgombea wa chama cha ACT Wazalendo kushindwa kukidhi vigezo vya uteuzi.


Akizungumza na vyombo vya habari ofisini kwake Mahonda, Msimamizi wa Uchaguzi wa Majimbo ya Wilaya ya Kaskazini B, Mwanamkuu Gharibu Mgeni, alisema uteuzi huo umefanyika kwa mujibu wa kifungu cha 59(a) na (b) cha Sheria ya Uchaguzi namba 4 ya mwaka 2018.


Aidha, Msimamizi huyo alieleza kuwa tume imefanya uteuzi wa wagombea wa udiwani katika wadi za Mkataleni, Vijibweni na Kiwengwa, Wilaya ya Kaskazini B.


Kwa mujibu wa sheria hiyo, Mashauri Shehe Khamis (CCM) ameteuliwa na kutangazwa kuwa Diwani wa Wadi ya Vijibweni baada ya kuwa mgombea pekee, huku Omar Haruna Abu (CCM) akiteuliwa kuwa Diwani wa Wadi ya Mkataleni. Pia, Mtumwa Juma Mshamba ametangazwa kuwa Diwani wa Wadi ya Kiwengwa kupitia chama hicho hicho.


Mara baada ya kutangazwa, Dk. Khalid aliwaahidi wananchi wa Jimbo la Donge kuwatumikia bila kujali tofauti za kisiasa, dini wala rangi, akisisitiza dhamira yake ya kuhakikisha maendeleo yanawafikia wote.


“Nitahakikisha Jimbo la Donge tunashinda kwa kishindo, kuanzia kura za urais wa Zanzibar, urais wa Jamhuri ya Muungano wa Tanzania pamoja na mbunge wetu wa jimbo la Donge,” alisema Dk. Khalid.


Kwa upande wake, Diwani mteule wa Wadi ya Kiwengwa, Mashauri Shehe Khamis, alisema atashirikiana na wagombea wengine wa chama hicho jimboni humo kuhakikisha ushindi wa kishindo kwa CCM.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more