Wataalamu wa Uchukuzi Watakiwa Kusaka Fursa za Uchumi wa Buluu.

-


Dar es Salaam

Katibu Mkuu Wizara ya Uchukuzi, Prof. Godius Kahyarara, amewaagiza wataalamu wa sekta ya uchukuzi pamoja na Chuo cha Bahari Dar es Salaam (DMI) kujikita katika tafiti za kina zitakazochochea uwekezaji kupitia sekta ya uchumi wa buluu, akisisitiza kuwa hatua hiyo ndiyo njia ya kuendana na Dira ya Taifa ya Maendeleo ya 2050.


Prof. Kahyarara alitoa agizo hilo jana jijini Dar es Salaam alipokuwa akifunga kongamano la kitaifa la uchumi wa buluu lililoandaliwa na DMI kwa kushirikiana na Ofisi ya Makamu wa Rais. 


Alisema rasilimali za bahari, mito na maziwa ambazo Tanzania imejaaliwa ni nguzo muhimu kwa maendeleo ya taifa, na zinapaswa kutumiwa ipasavyo katika kuongeza pato la taifa na kuimarisha uchumi.


“Tunapaswa kutumia fursa tulizonazo kwa utafiti na ubunifu ili kuchambua maeneo muhimu ya uwekezaji yatakayoongeza tija. Hii ndiyo njia ya kuhakikisha uchumi wetu unakuwa shindani na endelevu,” alisema Prof. Kahyarara.



Kwa upande wake, Mkuu wa Chuo cha Bahari Dar es Salaam (DMI), Prof. Tumaini Gurumo, alisema kongamano hilo limeibua maazimio kadhaa, ikiwemo kuandaa mpango wa utekelezaji wa sera ya uchumi wa buluu unaozingatia uhimilivu wa mazingira kwa maendeleo endelevu.


Alibainisha kuwa ni muhimu elimu ya uchumi wa buluu ianze kutolewa kuanzia ngazi za awali ili kujenga uelewa wa mapema miongoni mwa watoto, kwa kuwa taifa limeamua sekta hiyo kuwa miongoni mwa injini kuu za kukuza pato la taifa.


“Tunapaswa kuhakikisha vijana na wanawake wanashirikishwa kikamilifu katika sekta zote za uchumi wa buluu, sambamba na kuongeza uwekezaji wa makusudi katika tafiti na bunifu zitakazochochea ukuaji wa sekta hii. Hii ndiyo njia ya kutengeneza taifa tunalolitaka lenye uchumi wa buluu endelevu,” alisisitiza Prof. Gurumo.


Aidha, aliongeza kuwa usalama na ulinzi wa maeneo ya maji lazima upewe kipaumbele ili kulinda rasilimali na kuhakikisha shughuli zote za kiuchumi zinafanyika kwa uendelevu.


Kongamano hilo la siku mbili lililoanza Septemba 10 na kufungwa Septemba 11, 2025, liliwakutanisha wadau mbalimbali wa uchumi wa buluu kutoka taasisi za serikali na binafsi huku kongamano hilo likiwa limebebwa na kaulimbiu isemayo: “Bahari Yetu, Fursa Yetu, Wajibu Wetu.”


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more