ASASI ZA WANAWAKE ZAHIMIZA USHIRIKI WA WANAWAKE KWENYE UCHAGUZI, ZAKEMEA UDHALILISHAJI WA KIJINSIA.

-

 


Na Fidea Masunga, Dar es Salaam


MUUNGANO wa asasi za wanawake na watetezi wa usawa wa kijinsia umetoa wito kwa wanawake nchini kujitokeza kwa wingi kupiga kura na kushiriki kikamilifu katika nafasi za uongozi, sambamba na kulaani vitendo vya udhalilishaji vinavyowakandamiza wanawake wanasiasa kuelekea Uchaguzi Mkuu wa Oktoba 29, mwaka huu.


Akizungumza na waandishi wa jijini Dar es Salaam, Muasisi wa Chama cha Wanahabari Wanawake Tanzania (TAMWA), Rose Haji Mwalimu, alisema ushiriki wa wanawake katika siasa ni nguzo muhimu ya kukuza demokrasia jumuishi na kuhakikisha masuala yanayowagusa wanawake, watoto na vijana yanapewa kipaumbele.


Alisema mwaka huu Tanzania imepiga hatua kubwa katika ajenda ya usawa wa kijinsia kisiasa, ambapo Rais Samia Suluhu Hassan anawania tena urais kupitia Chama Cha Mapinduzi (CCM), huku wanawake wengine wawili  Saumu Rashid (UDP) na Mwajuma Mirambo (UMD)  wakigombea nafasi hiyo. 


Aidha, idadi ya wagombea wenza wanawake imeongezeka katika vyama mbalimbali vikiwemo NCCR, CUF, DP, TLP, NLD, SAU na CHAUMA.


“Uongozi bora hauna jinsia bali uwezo, maadili na dhamira ya kweli ya kuwatumikia wananchi,” alisema Rose, akilaani vikali vitendo vya kejeli, matusi na mashambulizi ya kibinafsi vinavyowalenga wanawake wanasiasa.


Kwa upande wake, Janet John kutoka shirika la Binti Makini, aliwataka wanawake vijana kujiamini na kushiriki siasa bila hofu, akisisitiza kuwa sauti yao ni msingi wa mabadiliko chanya katika jamii.


“Tunahitaji kuona wanawake wakijitokeza si tu kupiga kura, bali pia kugombea nafasi mbalimbali za uongozi kuanzia udiwani hadi ubunge,” alisema Janet.


Naye Lucy Kilasi kutoka shirika la Women Welfare Tanzania  alisisitiza umuhimu wa kuandaa mazingira salama kwa wanawake katika siasa, akisema ukatili wa kijinsia na lugha za kudhalilisha zinawakatisha tamaa wanawake wengi kushiriki.


“Tunaomba vyombo vya usimamizi wa uchaguzi kuhakikisha haki na usalama wa wanawake zinalindwa kikamilifu,” alisema Lucy.


Asasi hizo pia zimepongeza uongozi wa Rais Samia Suluhu Hassan kwa kuendeleza ajenda ya usawa wa kijinsia kupitia utekelezaji wa Dira ya Maendeleo Endelevu ya Umoja wa Mataifa (SDG 5), inayolenga kuwawezesha wanawake na wasichana.


Asasi zilizotoa tamko hilo ni Ulingo Wanawake, Women Welfare Tanzania (WFT), TAMWA, Binti Makini, WAJIKI, WILDAF, Young and Alive, Generation Act, na TAWIA.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more