Matokeo ya CIP-Africa Yaonyesha CCM Inaungwa Mkono Zaidi, Wananchi Wapongeza Tume Huru ya Uchaguzi.

-

Na Fidea Masunga, Dar es Salaam


Kituo cha Sera za Kimataifa – Afrika (CIP-Africa) kimetoa matokeo ya kura ya maoni kuhusu mwelekeo wa kisiasa kuelekea Uchaguzi Mkuu wa Jamhuri ya Muungano wa Tanzania utakaofanyika Oktoba 29, 2025, yakionesha kuwa Chama Cha Mapinduzi (CCM) kinaendelea kuungwa mkono zaidi na wananchi katika maeneo mengi ya nchi.


Akizungumza na waandishi wa habari jijini Dar es salaam, Mkurugenzi wa Tafiti na Uchapishaji wa CIP-Africa, Thabiti Mlangi, alisema matokeo hayo yanaonyesha kuwa asilimia 91ya wananchi wameridhishwa na usimamizi wa Tume Huru ya Taifa ya Uchaguzi (INEC), huku asilimia 83 wakieleza dhamira ya kushiriki kupiga kura siku ya uchaguzi.


Aidha matokeo hayo yanaonyesha CCM ikiongoza katika mikoa kadhaa ikiwemo Dodoma (91.4%), Morogoro (87%), Tanga (95.3%), Tabora (87.6%), na Ruvuma (89%).


Vyama vingine vilipata kati ya 1.5% hadi 10% ya uungwaji mkono, huku asilimia 46 ya wananchi wakisema wanavutiwa na sera za vyama vya siasa.


Mlangi alibainisha masuala muhimu ambayo wananchi wanataka serikali ijayo iyape kipaumbele ni pamoja na Upatikanaji wa maji safi (78%),Elimu bora (78%),Barabara na madaraja (69%),Huduma bora za afya (63%),Mapambano dhidi ya rushwa (60%) na Uimarishaji wa demokrasia (47%).


Aidha, baadhi ya wananchi wameeleza wasiwasi juu ya kuongezeka kwa matumizi ya bhangi miongoni mwa wanafunzi,huku wakitaka hatua madhubuti zichukuliwe kudhibiti tatizo hilo.


Akizungumza kuhusu wito kwa wananchi kuhusu uchaguzi wa October 29 Mlangi alisema:


“Tunawasihi Watanzania wajitokeze kwa wingi tarehe 29 Oktoba, kupiga kura kwa amani na utulivu. Kumbukeni kuna maisha baada ya uchaguzi,” alisema Mlangi.


Kura hiyo ya maoni ilifanyika kati ya Septemba 30 na Oktoba 5, 2025 katika mikoa 19, ikihusisha wananchi 1,976.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more