Dkt. Samia kutua Temeke kwa ajili ya kampeni za kuelekea Uchaguzi Mkuu

-


Na Fidea Masunga,Dar es salaam.

Mgombea Urais wa Jamhuri ya Muungano wa Tanzania kupitia Chama Cha Mapinduzi (CCM), Dkt. Samia Suluhu Hassan, anatarajiwa kuwasili katika Wilaya ya Temeke tarehe 23 Oktoba 2025 kwa ajili ya kampeni za kuelekea Uchaguzi Mkuu wa Oktoba 29, 2025.


Akizungumza na waandishi wa habari jijini Dar es Salaam leo, Mwenyekiti wa CCM Wilaya ya Temeke, Zena Yussuf Mgaya, amesema maandalizi ya mapokezi ya mgombea huyo yamekamilika, huku akiwataka wananchi kujitokeza kwa wingi kumpokea na kumsikiliza.


“Tunawaomba wananchi wa Temeke wajitokeze kwa wingi kumsikiliza Dkt. Samia. Ni fursa muhimu ya kufahamu mafanikio yaliyotekelezwa na mwelekeo wa maendeleo kwa awamu ijayo,” amesema Mgaya.


Kwa upande wake, Katibu wa CCM Wilaya ya Temeke, Daniel Sayi, amewataka Watanzania kuendelea kulinda amani na utulivu wa nchi kuelekea uchaguzi huo, akisisitiza kupuuza watu wenye nia ovu ya kuchochea vurugu.


“Kwa kipindi hiki cha kampeni kumekuwa na watu wachache wenye lengo la kuchafua amani. Tunawaomba wananchi wa Temeke na Watanzania kwa ujumla wawapuuze na wajitokeze kupiga kura kwa amani,” amesema Sayi.


Aidha, Sayi amesema CCM inaendelea kujivunia mafanikio makubwa yaliyopatikana kupitia utekelezaji wa Ilani ya chama hicho, ikiwemo katika sekta ya afya, ambapo Hospitali ya Temeke imepandishwa hadhi kuwa hospitali ya rufaa, hatua iliyoboresha kwa kiasi kikubwa upatikanaji wa huduma bora za afya kwa wananchi wa eneo hilo.


“Kupandishwa hadhi kwa Hospitali ya Temeke ni kielelezo cha dhamira ya serikali ya awamu ya sita chini ya uongozi wa Dkt. Samia Suluhu Hassan katika kuboresha huduma za jamii,” amesisitiza Sayi.





Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more