HUDUMA YA INTANETI YAENDELEA KUKUA, WATUMIAJI WAFIKIA MILIONI 56.3

-


Huduma ya intaneti nchini imeendelea kukua kwa kasi, ambapo idadi ya watumiaji imeongezeka kutoka milioni 54.1 mwezi Juni 2025 hadi kufikia milioni 56.3 mwezi Septemba 2025. Hii ni sawa na ongezeko la asilimia 4.1 katika kipindi cha miezi mitatu.

Kwa mujibu wa Ripoti ya Takwimu zaSekta ya Mawasiliano ya robo mwaka inayoishia Septemba 2025, ongezeko hilo linahusisha laini au waya ambazo zimetumia huduma ya intaneti angalau mara moja katika kipindi cha miezi mitatu iliyopita. Takwimu hizo zinahusisha teknolojia mbalimbali kama FTTX, 2G (GPRS na EDGE), 3G, 4G, na 5G.


Ripoti imeeleza kuwa huduma ya intaneti kwa njia ya simu za mkononi ndiyo inayotumika zaidi nchini, ambapo inachangia asilimia 99 ya matumizi yote ya intaneti. Huduma zisizo za mkononi, kama za nyumbani na za ofisini, zinachangia asilimia ndogo zaidi ya soko.


Kuongezeka kwa matumizi ya intaneti kunachangiwa na uboreshaji wa huduma unaofanywa na watoa huduma pamoja na kuimarika kwa miundombinu ya mawasiliano nchini. Hatua hii imewezesha wananchi wengi zaidi kupata huduma za mawasiliano zenye kasi na ubora.


Aidha, upanuzi wa huduma za 4G na 5G umechangia kuongeza kasi ya upatikanaji wa intaneti na kurahisisha mawasiliano, biashara mtandaoni, na huduma za kijamii na kiuchumi zinazotegemea teknolojia ya kidijitali.


Ripoti pia imeonesha kuwa ongezeko hili linaendana na juhudi za serikali kupitia Mamlaka ya Mawasiliano Tanzania (TCRA) kuhakikisha wananchi wote wanapata huduma bora, salama na nafuu za mawasiliano, ikiwemo intaneti.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more