Kongamano la Wanavyuo Lafana, TAHLISO Yashukuru Washiriki.

-

 


Jumuiya ya Wanafunzi wa Vyuo na Vyuo Vikuu Tanzania (TAHLISO) imeishukuru jamii ya wanavyuo na wadau wa elimu kwa ushiriki wao katika Kongamano la Wanavyuo lililofanyika jijini Dar es Salaam, katika ukumbi wa Ubungo Plaza, likiwa na dhamira ya kuwajengea vijana uelewa kuhusu nafasi yao katika mustakabali wa taifa.


Rais wa TAHLISO, Ndg. Geofrey Kiliba, alisema kongamano hilo limekuwa jukwaa muhimu la majadiliano kuhusu mchango wa vijana na wanavyuo kuelekea Uchaguzi Mkuu wa 2025, likilenga kuhamasisha uzalendo, uelewa na ushiriki chanya wa vijana katika mchakato wa kidemokrasia nchini.


“Hakika tumejifunza mengi, na sasa tuko tayari kuyaishi kwa vitendo,” alisema Kiliba akisisitiza kuwa mafunzo, hoja na mijadala iliyojitokeza katika kongamano hilo itakuwa chachu ya mabadiliko na dira mpya kwa wanavyuo kote nchini.


Aidha, TAHLISO imepongeza ushiriki wa vyuo mbalimbali, viongozi wa serikali na wadau wa elimu waliotoa mchango wao mkubwa katika kufanikisha tukio hilo lililohusisha mafunzo, mijadala na uzoefu kutoka kwa wataalamu wa nyanja mbalimbali.


Jumuiya hiyo imesisitiza kuwa itaendelea kuratibu mijadala ya kitaaluma na makongamano kama hayo katika vyuo vikuu nchini ili kuendeleza mijadala yenye kujenga fikra na kuchochea ushiriki wa vijana katika maendeleo ya taifa.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more