Madaktari Bingwa Amana Warejesha Tabasamu kwa Mwanamke Aliyeteseka na Uvimbe wa Kilo 12 Tumboni.

-

 


Dar es Salaam. 

Madaktari bingwa wa Hospitali ya Rufaa ya Mkoa Amana wamefanikiwa kumfanyia upasuaji wa kuondoa uvimbe mkubwa wenye uzito wa kilo 12 kwa mwanamke mwenye umri wa miaka 60, hatua iliyorejesha matumaini na tabasamu kwake baada ya muda mrefu wa kuishi na maumivu makali.


Akizungumza mara baada ya upasuaji huo, Daktari Bingwa wa Magonjwa ya Wanawake na Afya ya Uzazi wa hospitali hiyo, Dkt. Getrude Kimario, amesema mgonjwa huyo alifika hospitalini akilalamika kwa muda mrefu kuhusu maumivu tumboni na kuvimba sehemu ya chini ya tumbo. Baada ya kufanyiwa vipimo vya kina, waligundua kuwa alikuwa na uvimbe mkubwa kwenye kiwanda cha mayai ya uzazi upande wa kushoto.


“Hii ni mara ya kwanza kukutana na mgonjwa mwenye uvimbe mkubwa kiasi hiki, lakini tunamshukuru Mungu tumefanikisha kuutoa. Upasuaji umeenda vizuri na mgonjwa anaendelea kuimarika,” alisema Dkt. Kimario.


Kwa mujibu wa maelezo yake, uvimbe huo ulikuwa umechukua nafasi kubwa tumboni mwa mgonjwa na kumfanya ashindwe kufanya shughuli zake za kawaida kwa muda mrefu. 


Baada ya upasuaji, uvimbe huo umehifadhiwa na utapelekwa maabara kwa uchunguzi zaidi ili kubaini aina yake na hatua zinazoweza kuchukuliwa kitabibu.


Aidha, Dkt. Kimario alibainisha kuwa mafanikio ya upasuaji huo yametokana na mshikamano wa timu ya madaktari bingwa na wauguzi wa hospitali ya Amana, waliokuwa na uzoefu wa kutosha katika kushughulikia magonjwa ya akinamama na upasuaji wa aina mbalimbali.


Dkt. Kimario ametoa wito kwa wananchi, hasa wanawake, kujenga mazoea ya kufanyiwa uchunguzi wa afya mara kwa mara ili kubaini matatizo ya kiafya mapema kabla hayajafikia hatua kubwa inayoweza kuhatarisha maisha.




Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more