MAKARANI WAONGOZAJI WAPIGAKURA WAFUNDWA NA MSIMAMIZI WA UCHAGUZI JIMBO LA MAFINGA MJINI.

-


Mafinga Mjini – Msimamizi wa Uchaguzi Jimbo la Mafinga Mjini, Bi. Dorothy Kobelo, amefungua mafunzo ya makarani waongozaji wapiga kura akisisitiza kuwa dhamana ya kusimamia uchaguzi ni kubwa, nyeti na muhimu kwa mustakabali wa taifa.


“Dhamana mliyopewa ya kusimamia uchaguzi ni kubwa na nyeti. Mmeteuliwa kwa mujibu wa sheria, kwa kufuata katiba, na mpo hapa kwa niaba ya Tume Huru ya Uchaguzi katika vituo 209 mtakavyopangiwa katika Kata 9,” alisema Bi. Kobelo wakati akizungumza na makarani hao kwenye Ukumbi wa Shule ya Sekondari Changarawe, Halmashauri ya Mji Mafinga.


Alisema kuwa makarani wanapaswa kuhakikisha hawakuwa chanzo cha malalamiko kwa vyama vya siasa, kutumia lugha nzuri wanapotoa huduma, na kutoa kipaumbele kwa watu wenye mahitaji maalum siku ya kupiga kura.


Aidha, makarani hao walikula kiapo cha kutunza siri, kiapo kilichoongozwa na Wakili Msomi, Mwanasheria wa Halmashauri ya Mji Mafinga, Gaspar Kalinga. Kiapo hicho kinahakikisha kuwa makarani wanatunza siri ya wapiga kura na kutoa huduma kwa uadilifu.


Naye Afisa Uchaguzi, Ndugu Benedict Kibiki, alisema kuwa mafunzo ya makarani 209 yanafanyika siku moja, huku mafunzo ya wasimamizi na wasaidizi wao yakiwa na muda wa siku mbili.


Kwa mujibu wa ratiba ya Tume Huru ya Uchaguzi, uchaguzi wa Rais, Wabunge, na Madiwani utafanyika Tarehe 29 Oktoba 2025, siku ya Jumatano. Jimbo la Mafinga Mjini ni mojawapo ya majimbo 272 nchini Tanzania yatakayoshiriki uchaguzi huo.


Bi. Kobelo na Afisa Uchaguzi Kibiki walisisitiza umuhimu wa kila raia kushiriki katika uchaguzi kwa kusema:


“KURA YAKO, HAKI YAKO – JITOKEZE KUPIGA KURA!”



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more