MWARUBAINI DHIDI YA UKATILI MTANDAONI WAPATIKANA.

-


Na Mwandishi Wetu.

Jeshi la Polisi Tanzania kupitia Kitengo cha Makosa ya Kimtandao kimechukua hatua madhubuti kukabiliana na matukio ya ukatili mtandaoni kwa kutumia vifaa maalum vya kisasa vya uchunguzi, kutoa elimu kwa umma, na kushirikiana na taasisi mbalimbali ndani na nje ya nchi zinazoratibu matumizi salama ya mitandao ya kijamii.


Kwa mujibu wa taarifa kutoka kitengo hicho, matukio ya ukatili mtandaoni yameendelea kushuhudiwa nchini, yakiwemo vitendo vya udhalilishaji, matusi, vitisho, na uenezaji wa taarifa za uongo. Waathirika wakubwa wa vitendo hivyo ni wanawake, vijana na watu mashuhuri katika jamii.


Aidha, Jeshi la Polisi limeendelea kutoa elimu kwa wananchi kuhusu madhara ya ukatili mtandaoni na hatua za kuchukua pindi matukio hayo yanapotokea, likihimiza matumizi chanya ya mitandao kwa kuijenga jamii badala ya kuieneza chuki.


Vilevile, jeshi hilo limeitaka jamii kushirikiana na serikali katika mapambano dhidi ya ukatili huo kwa kuripoti matukio yote ya ukatili mtandaoni na kutumia majukwaa ya kidijitali kwa uadilifu na uwajibikaji.


Jeshi la Polisi limesisitiza kuwa ukatili mtandaoni ni changamoto ya kijamii inayohitaji nguvu ya pamoja kati ya serikali, wananchi na wadau wote wa teknolojia ili kulinda usalama wa watumiaji wa mtandao nchini.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more