MWENGE WA UHURU WAZINDUA KITUO CHA POLISI IHANDA-MBOZI, SONGWE

-


Kiongozi wa Mbio za Mwenge wa Uhuru kitaifa, Ismail Ally Issu, amesema maendeleo ya kweli hayawezi kufikiwa bila kuwepo kwa amani na usalama wa kudumu, huku akisisitiza kuwa uzinduzi wa Kituo kipya cha Polisi Ihanda ni uthibitisho wa kasi ya maendeleo yanayoendelea kushamiri katika Wilaya ya Mbozi, Mkoa wa Songwe.


Akizungumza Oktoba 05, 2025 wakati wa uzinduzi wa kituo hicho chenye hadhi ya Daraja C, Issu alisema kuwa ujenzi wa vituo vya Polisi vya kisasa ni alama muhimu ya maeneo yanayopiga hatua kubwa za kimaendeleo, na kuongeza kuwa uwepo wa kituo hicho ni suluhisho la muda mrefu kwa changamoto za kiusalama katika eneo hilo.


Aidha, Issu alibainisha kuwa kwa kuzingatia miradi mbalimbali ya maendeleo inayotekelezwa wilayani humo, ana imani kuwa Mbozi iko katika mwelekeo sahihi wa kuwa mfano wa maendeleo endelevu katika kanda ya nyanda za juu kusini.


Kwa upande wake, Mkuu wa Wilaya ya Mbozi, Mhe. Hamad Rajabu Mbega alisema kuwa Wilaya ya Mbozi inaendelea kutekeleza miradi ya kimkakati kwa kutumia mapato ya ndani, ikiwa ni pamoja na ujenzi wa kituo hicho cha Polisi kata ya Ihanda ili kuimarisha ulinzi na kuhakikisha wananchi wanaishi kwa amani.


Kituo cha Polisi kata ya Ihanda kimejengwa kwa gharama ya shilingi milioni 140,569,900 kupitia mapato ya ndani ya Halmashauri ya Wilaya ya Mbozi, na kinatajwa kuwa sehemu ya mkakati wa kuhakikisha sheria, amani, na usalama vinadumu katika eneo hilo kwa manufaa ya wananchi wote.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more