NIDA YABORESHA USAJILI WA VITAMBULISHO KWA NJIA YA MTANDAO.

-


Mamlaka ya Vitambulisho vya Taifa (NIDA) imezindua mfumo mpya wa usajili wa vitambulisho vya Taifa kwa njia ya mtandao, ikiwa ni sehemu ya jitihada za kuboresha na kurahisisha huduma za usajili na utambuzi wa watu nchini.


Kupitia mfumo huo wa kidigitali, wananchi wanaweza kujisajili na kutuma maombi yao hatua za awali popote walipo ndani au nje ya nchi bila kulazimika kufika katika ofisi za NIDA za wilaya, hatua inayopunguza foleni na kuokoa muda wa kufuata huduma hiyo ofisini.


Taarifa kutoka NIDA zinaeleza kuwa mfumo huo unamwezesha mwananchi kukamilisha takribani asilimia 75 ya mchakato wa usajili akiwa nyumbani. Hatua inayosalia ni kufika katika ofisi za NIDA wilayani kwa ajili ya uhakiki wa uraia katika dawati la Maafisa Uhamiaji na kuchukuliwa alama za kibaiolojia na Maafisa wa NIDA.


Aidha, mfumo huo umesaidia kuongeza usahihi wa taarifa za waombaji na kupunguza makosa ya kiufundi ambayo hapo awali yalijitokeza kutokana na ujazaji wa fomu kwa mikono.


Wananchi wamesema huduma hiyo imekuwa suluhisho kwa changamoto za muda mrefu za msongamano katika ofisi za usajili, kwani sasa wanaweza kujisajili wakiwa nyumbani au kazini bila usumbufu.


Kwa mujibu wa NIDA, manufaa mengine ya mfumo huo ni pamoja na kuokoa gharama za usafiri, muda wa kufika ofisini mara kwa mara na kuongeza tija kwa wananchi ambao sasa wanaendelea na shughuli zao za uzalishaji bila usumbufu.


Mamlaka hiyo imewahimiza wananchi wote kuunga mkono jitihada za Serikali za kujenga Tanzania ya kidigitali, kwa kutumia huduma ya Usajili Kimtandao, ambayo inalenga kurahisisha upatikanaji wa vitambulisho vya Taifa kwa haraka, ufanisi na kwa usahihi zaidi.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more