NSSC Yawataka Wanasiasa Waache Kuingiza Watoto Katika Shughuli za Kisiasa ili Kulinda Usalama na Haki Zao.

-


Na Fidea Masunga,Dar es Salaam

Umoja wa Kitaifa wa Asasi za Kiraia wa Shule Salama (NSSC) umetoa wito kwa wanasiasa nchini kutojihusisha na vitendo vya kuwaingiza watoto katika shughuli za kisiasa, ikiwemo mikutano ya kampeni, maandamano na usafirishaji kutoka sehemu moja kwenda nyingine kwa ajili ya siasa.


Akizungumza na waandishi wa habari jijini Dar es Salaam kwa niaba ya NSSC, Mratibu wa Shirika la My Legacy, Amina Ally, alisema kwa mujibu wa Sheria ya Mtoto ya mwaka 2009 na Sheria ya Watoto Na.6 ya mwaka 2011 ya Zanzibar, mtoto ni mtu mwenye umri wa chini ya miaka 18 na haruhusiwi kushiriki kwenye shughuli za kisiasa ama kampeni.


“Sheria zetu ziko wazi. Mtoto hastahili kushiriki kwenye siasa kwa namna yoyote. Wajibu wetu kama jamii ni kuhakikisha anabaki salama, bila kuathiriwa na msukumo wa kisiasa unaoweza kumweka hatarini,” alisema Amina.


Aliongeza kuwa katika kipindi cha chaguzi za nyuma kumekuwapo na matukio ya watoto kuachwa bila uangalizi au kuhusishwa moja kwa moja katika shughuli za kisiasa kinyume cha sheria, hali aliyoeleza kuwa inahatarisha mustakabali wa taifa.


Kwa upande wake, Meneja Utafiti wa Shirika la HakiElimu, Mwemezi Makumba, alisema suala la kulinda haki na usalama wa watoto linapaswa kupewa uzito wa pekee na makundi yote ya kijamii.


“Hili si jukumu la wanasiasa pekee, bali kila mmoja ana nafasi. Vyombo vya habari vina wajibu wa kuelimisha jamii na kuepuka kusambaza ujumbe unaohatarisha watoto, wakati asasi za kiraia zinapaswa kuongeza elimu ya uraia na haki za watoto. Wazazi na walezi nao ni walinzi wa kwanza wa watoto,” alisema Makumba.


Aidha Umoja huo umesisitiza kuwa Serikali na vyombo vya ulinzi na usalama vinatakiwa kuhakikisha maeneo ya mikusanyiko ya umma yanabaki salama na kwamba watoto hawahusishwi kwa namna yoyote na kampeni za kisiasa.


Tamko hilo limetolewa na Umoja wa Kitaifa wa Asasi za Kiraia wa Shule Salama (NSSC) linaloungananisha mashirika zaidi ya 20 kutoka Tanzania bara na Zanzibar kama sehemu ya harakati zake za kulinda haki za watoto kabla, wakati na baada ya uchaguzimkuu wa mwaka 2025.






Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more