PADRI CAMILLUS NIKATA WA JIMBO KUU LA SONGEA ATOWEKA KIMAAJABU.

-


Songea.


Jimbo Kuu Katoliki la Songea limethibitisha kutoweka kwa Padri Camillus Nikata, ambaye pia ni mhadhiri wa Chuo Kikuu cha Mtakatifu Augustino Tanzania (SAUT) kilichopo Mwanza.


Kwa mujibu wa taarifa iliyotolewa na Askofu Mkuu wa Jimbo hilo, Mhashamu Damian Dallu, Padri Nikata alionekana mara ya mwisho akiwa Songea, alipokuwa amerejea kutoka Dodoma katika mafunzo ya moyo kwa mapadri wanaofundisha katika vyuo vikuu vinavyosimamiwa na Baraza la Maaskofu Katoliki Tanzania (TEC).


Taarifa hiyo inaeleza kuwa Padri Nikata alikaa katika nyumba ya mapadri ya Mtakatifu Vianney Songea, na alikuwa amepanga kusafiri kuelekea Mwanza tarehe 8 Oktoba 2025, kwa basi la SUPERFEO, huku tiketi yake ikiwa imenunuliwa kwa njia ya mtandao.


Hata hivyo, siku ya safari yake, ilibainika kuwa hakuondoka kama ilivyotarajiwa. Mizigo yake aliyokuwa ameandaa kwa safari ilikutwa bado ipo chumbani kwake, na mlango wa chumba ulikuwa umefungwa bila ufunguo kurejeshwa kwa mtumishi wa nyumba hiyo.


“Mtumishi wa nyumba ya mapadri alishangaa kuona mizigo ambayo Padri alitakiwa kuchukua haijachukuliwa, na simu yake haipatikani tangu siku hiyo,” imeelezwa katika taarifa hiyo.


Jimbo la Songea lilijaribu kumtafuta kwa njia mbalimbali, ikiwemo kuwasiliana na watu aliokaa nao na kwa kutumia simu yake ya mkononi, lakini juhudi hizo hazikufanikiwa. Vilevile, taarifa kutoka ofisi ya kampuni ya usafiri ya SUPERFEO zilibainisha kuwa Padri Nikata alinunua tiketi lakini hakusafiri kwa basi hilo.


Baada ya jitihada zote kushindikana, uongozi wa Jimbo Kuu la Songea umetoa taarifa rasmi kwa Jeshi la Polisi ili kusaidia katika uchunguzi na jitihada za kumtafuta padri huyo.


Askofu Dallu ametoa wito kwa waumini na wananchi kwa ujumla kutoa ushirikiano kwa vyombo vya usalama iwapo watakuwa na taarifa zozote zitakazosaidia kupatikana kwake.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more