POLISI: HALI YA USALAMA NI SHWARI, TAARIFA ZA MITANDAONI NI UZUSHI.

-



Jeshi la Polisi nchini limewahakikishia wananchi kuwa hali ya usalama ni shwari kuelekea siku ya kupiga kura kesho, Oktoba 29, 2025, na kwamba hakuna tishio lolote la kiusalama.


Kwa mujibu wa taarifa iliyotolewa na Ofisi ya Msemaji wa Jeshi la Polisi Makao Makuu, jeshi hilo limeeleza kuwa maandalizi yote muhimu ya kiusalama yamekamilika na askari wapo tayari kuhakikisha uchaguzi unafanyika kwa amani na utulivu.


Jeshi hilo limeonya kuhusu kundi la watu wanaoandaa na kusambaza picha na taarifa za matukio ya zamani au ya kutungwa kwa nia ya kupotosha umma na kuleta taharuki. Baadhi ya taarifa hizo zimekuwa zikionekana kwenye mitandao ya kijamii zikiwa na sauti au maandishi yanayoashiria kuwa yametokea hivi karibuni, ilhali si kweli.


Aidha, imeelezwa kuwa wapo watu wanaotengeneza video na picha zenye sura za viongozi na kuzihariri kwa kuziweka sauti na maneno ya kupotosha ili ionekane ni kauli halisi za viongozi hao.


Jeshi la Polisi limewataka wananchi kupuuza taarifa za aina hiyo, vipeperushi na machapisho mengine yanayoenezwa mitandaoni, kwani yamelenga kuleta taharuki na kuvuruga amani ya nchi.


Vilevile, wananchi wamekumbushwa kuwa kusambaza taarifa za uongo ni kosa la jinai kwa mujibu wa Sheria ya Makosa ya Kimtandao. Badala ya kushiriki kusambaza, wanapaswa kufuta taarifa hizo na kufuatilia taarifa sahihi kutoka kwa mamlaka husika.


Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more