RC MRINDOKO: HALI YA USALAMA NI SHWARI, WANANCHI WAHIMIZWA KUWAHI VITUONI KUPIGA KURA.

-


Mkuu wa Mkoa wa Katavi, Mhe. Mwanamvua Mrindoko, ameendelea kuhamasisha wananchi kujitokeza kwa wingi na kwa wakati kushiriki katika Uchaguzi Mkuu unaotarajiwa kufanyika kesho, tarehe 29 Oktoba 2025.


Akizungumza katika mahojiano maalum kupitia kituo cha redio cha Mpanda FM, RC Mrindoko ametoa wito kwa wananchi wote wa Mkoa wa Katavi kuhakikisha wanawahi mapema katika vituo vyao vya kupigia kura, kwani vituo hivyo vitafunguliwa kuanzia saa moja asubuhi. 


Amehimiza wananchi kutekeleza wajibu wao huo kwa amani, utulivu na uzalendo, ili uchaguzi uwe wa mfano wa demokrasia nchini.


"Tunawahimiza wananchi wote wajitokeze mapema siku ya uchaguzi. Ni muhimu tushiriki kwa amani, tukidumisha mshikamano na upendo katika mkoa wetu," amesema RC

Mrindoko.


Amebainisha kuwa maandalizi yote muhimu kwa ajili ya uchaguzi yamekamilika, na vyombo vya ulinzi na usalama vimejipanga kuhakikisha zoezi hilo muhimu la kidemokrasia linafanyika kwa utulivu na usalama wa kutosha.


Akizungumzia kata za Katumba na Mishamo, RC Mrindoko amesema kuwa tofauti pekee katika chaguzi wa mwaka huu ni kwamba hakutakuwa na upigaji kura ndani ya maeneo hayo, kwa kuwa yametambuliwa kama kambi za wakimbizi kwa mujibu wa Sheria ya Wakimbizi inayoongozwa na Wizara ya Mambo ya Ndani ya Nchi. 


Hata hivyo, amesisitiza kuwa wananchi wote waliojiandikisha watapiga kura kama kawaida lakini nje ya maeneo hayo katika vituo vilivyoidhinishwa.


Aidha, RC Mrindoko ameihakikishia jamii kuwa hali ya usalama katika Mkoa wa Katavi ni shwari, na serikali ya mkoa inaendelea kushirikiana kwa karibu na vyombo vya ulinzi na usalama kuhakikisha wananchi wote wanashiriki uchaguzi kwa amani na utulivu.

Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more