SERIKALI YATANGAZA KIMA KIPYA CHA CHINI CHA MSHAHARA SEKTA BINAFSI; KITAKACHOANZA KUTUMIKA JANUARI MOSI, 2026.

-



Na Fidea Masunga,DAR ES SALAAM.


 Serikali imetangaza kima cha chini cha mshahara kipya kwa sekta binafsi, hatua inayolenga kuboresha maisha ya wafanyakazi, kuhakikisha malipo ya haki, na kuimarisha tija katika sekta binafsi. 


Akizungumza na waandishi wa habari jijini Dar es Salaam, Waziri wa Nchi, Ofisi ya Waziri Mkuu,Kazi, Vijana, Ajira na Wenye Ulemavu, Ridhiwani Kikwete, alisema mchakato huo wa upangaji wa kima kipya cha mshahara umekamilika ambapo Amri mpya ya Kima cha Chini cha Mshahara imechapishwa rasmi katika Gazeti la Serikali Namba 605A la tarehe 13 Oktoba 2025.


Alisema Sekta zenye kima cha chini cha mshahara zimeongezeka kutoka 13 mwaka 2022 hadi 16 mwaka 2025, huku sekta ndogo zikiongezeka kutoka 25 hadi 46 huku kima cha chini cha mshahara kwa wastani kimeongezeka kwa asilimia 33.4, kutoka Shilingi 275,060/= hadi 358,322/=.


Aidha Ongezeko hilo linagusa sekta nyingi, ikiwemo kilimo, afya, mawasiliano, usafirishaji, hoteli, madini, biashara na viwanda, shule binafsi, huduma za ulinzi binafsi, nishati, uvuvi, michezo, utamaduni na huduma nyinginezo. Kima kipya cha mshahara kitaanza kutumika rasmi Januari 1, 2026.


Waziri Kikwete alisisitiza kuwa ongezeko hilo limezingatia vigezo vya msingi, ikiwa ni pamoja na uwezo wa waajiri kulipa mshahara mpya, ongezeko la gharama za maisha, tija ya biashara, na dira ya taifa katika kukuza uchumi, ajira, na kazi zenye staha. 


Alisisitiza kuwa waajiri wote wa sekta binafsi lazima watekeleze amri hii, kwani ni takwa la kisheria. Ofisi yake itaendelea kufuatilia utekelezaji, kutoa elimu kwa waajiri na wafanyakazi, na kufanya tathmini za mara kwa mara ili kuhakikisha sheria hii inatekelezwa kikamilifu.


Kwa upande wake Naibu Katibu Mkuu wa TUCTA, Rehema Ludanga, alisema:

“Ongezeko hili ni fursa muhimu kwa wafanyakazi wa sekta binafsi. Tunawaasa wafanyakazi kuwa na uelewa wa haki zao, na pia kuhimiza waajiri kutumia ongezeko hili kikamilifu kwa manufaa ya wote. TUCTA itaendelea kushirikiana na Serikali kuhakikisha utekelezaji wa amri hii unafanyika ipasavyo.”



Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more