Takwimu Zinaonesha Saratani Zaendelea Kuongezeka, Wataalamu Watoa Wito kwa Jamii.

-


Na Fidea Masunga,Dar es salaam.


Takwimu za kitabibu zinaonyesha kuwa saratani ya shingo ya kizazi inaongoza miongoni mwa wanawake nchini, ikichangia karibu asilimia 30 ya wagonjwa wote, ikifuatiwa na saratani ya matiti kwa asilimia 15.


 Huku kwa wanaume, saratani ya tezi dume ndiyo inayoongoza, ikifuatiwa na saratani ya koo na saratani ya utumbo mpana (colorectal cancer), ambayo imepanda kwa kasi na sasa inashika nafasi ya tatu kitaifa.


Akizungumza jijini Dar es Salaam kwenye kongamano la kimataifa la saratani, Rais wa Chama cha Madaktari Bingwa wa Saratani Tanzania, Dkt. Jerry Ndumbaro, aliwatoa hofu wananchi kwa kusema saratani zinaweza kutibika iwapo zitagundulika mapema.


“Changamoto kubwa ni kwamba wagonjwa wengi hufika hospitalini wakiwa katika hatua za mwisho. Saratani ikigunduliwa mapema, tiba yake huwa na mafanikio makubwa zaidi,” alisema Dkt. Ndumbaro.


Kwa upande wake, Dkt. Magreth Moshi, Daktari Bingwa wa Saratani hapa nchini, pamoja na Dkt. Isack Thomas, bingwa wa saratani kutoka Kenya, wamesema elimu kwa jamii, uchunguzi wa mapema, na mshikamano wa kikanda ni silaha muhimu za kupambana na ugonjwa huu.


“Tukianza elimu mapema mashuleni na vijijini, tutajenga kizazi kinachojua namna ya kujikinga na kuthamini uchunguzi wa afya mara kwa mara,” alisema Dkt. Moshi.


“Afrika Mashariki inakabiliwa na changamoto zinazofanana. Tukishirikiana katika tafiti na rasilimali, tutaokoa maisha ya maelfu ya wananchi wetu,” alisema Dkt.Isack


Hata hivyo wataalam wanasema ili kuepukana na ugonjwa wa saratani, jamii inapaswa kuchukua tahadhari kwa kubadili mtindo wa maisha, hasa kwa kula vyakula vyenye lishe bora na kufanya mazoezi mara kwa mara.







Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more