TAMWA na GIZ waendesha warsha ya kupinga ukatili wa kijinsia.

-


Na Fidea Masunga,Dar es Salaam

Chama cha Wanawake Waandishi wa Habari Tanzania (TAMWA) kwa kushirikiana na Shirika la Maendeleo la Ujerumani (GIZ) kimeendesha warsha ya majadiliano maalum kupitia mradi wa Sauti Zetu yenye lengo la kutathmini hali ya ukatili wa kijinsia na kutafuta mbinu za kudumu za kuumaliza tatizo hilo nchini.


Warsha hiyo ilifanyika jijini Dar es Salaam na kuwakutanisha wadau mbalimbali wakiwemo walimu, viongozi wa dini, wanafunzi pamoja na wanaharakati wa kijamii.


Akizungumza baada ya kikao hicho, Mkurugenzi Mtendaji wa TAMWA, Dkt. Rose Reuben, alisema aina ya ukatili wa kijinsia unaoacha madhara makubwa zaidi kwa wahanga ni ule wa kisaikolojia kwa kuwa huathiri moja kwa moja afya ya akili na maisha ya kila siku ya mwathirika.


“Ukatili wa kisaikolojia mara nyingi hauonekani kwa macho kama ilivyo kwa ukatili wa kimwili, lakini madhara yake ni makubwa zaidi na huathiri familia nzima. Tunahitaji jamii na viongozi wa dini kushirikiana kikamilifu ili kupata suluhu ya kudumu ya kuumaliza ukatili huu,” alisema Dkt. Reuben


Kwa upande wake, mmoja wa washiriki wa warsha hiyo ambaye ni Mwalimu wa Shule ya Msingi Mugabe, aliwaasa wazazi na walezi kuhakikisha wanakuwa karibu zaidi na watoto wao, ili kuwakinga dhidi ya changamoto zinazotokana na vitendo vya ukatili wa kijinsia.


“Mtoto anapokuwa karibu na mzazi wake, anapata nafasi ya kueleza changamoto anazokabiliana nazo, jambo linalosaidia kuzuia ukatili mapema kabla haujawa mkubwa,” alisema.


Warsha hiyo ni sehemu ya utekelezaji wa mradi wa Sauti Zetu unaolenga kuimarisha sauti za wanawake na vijana katika kupinga ukatili wa kijinsia na kuchochea mshikamano wa jamii katika mapambano hayo.







Comments

Post a Comment

Popular posts from this blog

RC CHALAMILA AWATAKA WENYEVITI NA WATENDAJI KATA NA MITAA DAR KUSIMAMIA ULINZI NA USALAMA.

-
Image
Mkuu wa Mkoa wa Dar es alaam Mhe Albert Chalamila amewataka wenyeviti wa Serikali za mitaa pamoja na watendaji wa Kata Mitaa Mkoani humo kusimamia ulinzi na usalama kwenye ngazi ya mitaa na kata ili kuhakikisha Mkoa huo unakua Salama bila uwepo wa matukio ya uvunjifu wa amani wakati wote. Akizungumza leo jijini Dar es Salaam katika kikao kazi na Wenyeviti, Watendaji wa Kata na mitaa kilichofanyika kwenye ukumbi wa Diamomd Jubilee RC Chalamila amesema suala la ulinzi na usalama linapaswa kuanzia kwenye ngazi ya mitaa na kata hivyo amewataka viongozi hao wa mitaa kusimamia suala hilo kwani katika baadhi ya mitaa kumekua na matukio ya uvunjifu wa amani. RC Chalamila amewataka viongozi hao ngazi ya Mitaa na Kata kusaidia kutatua changamoto za wananchi na sio wao kuwa ni chanzo cha kuongeza changamoto kwa wananchi ambapo pia ametumia nafasi hiyo kuwataka wenyeviti na watendaji kutambua kuwa mwaka huu ni mwaka wa uchaguzi hivyo waendelee kuhimiza wananchi kuanzia ngazi ya mtaa kushiriki ucha...
Read more

MAHAFALI YA NANE SHULE YA AWALI NA MSINGI SAI YAFANA, WAZAZI WATAKIWA KULEA WATOTO KATIKA MISINGI YA MAADILI MEMA.

-
Image
Na Fidea Masunga,Dar es Salaam. Wazazi na walezi nchini wametakiwa kuhakikisha wanawalea watoto katika misingi ya maadili, nidhamu na hofu ya Mungu ili kujenga kizazi chenye kuzingatia elimu, kuishi maisha ya wema na kuwa viongozi bora wa kesho. Wito huo umetolewa jijini Dar es Salaam na mdau wa elimu  Ramadhan Balle , ambaye alikuwa mgeni rasmi katika mahafali ya nane ya  Shule ya Awali na Msingi Sai  yaliyofanyika Chanika Kidugalo Dar es salaam. Akizungumza kwenye hafla hiyo, Balle alisema malezi bora ya watoto hayapaswi kuishia nyumbani pekee, bali yazingatie misingi ya kiroho kupitia maandiko ya dini kama Biblia na Qur’ani, kwani ndiyo msingi wa kujenga jamii yenye hofu ya Mungu na kuondokana na vitendo vya ukatili na maovu. “Watoto wakilelewa katika msingi wa dini, wanakua na mwelekeo bora, wanajengeka kiakili na kiroho na hivyo kuepuka kujiingiza katika tabia hatarishi. Hili ni jukumu lenu wazazi na walezi,”  alisema Balle. Aidha, aliwataka wazazi kuwekeza zaid...
Read more